ايەلدەردىڭ ۋنيۆەرسيتەتتەرگە كىرۋىنە شەكتەۋ بىردەن كۇشىنە ەنەدى جانە بۇل شەكتەۋدىڭ قانشا ۋاقىتقا سوزىلاتىنى بەلگىسىز، دەلىنگەن ەلدىڭ ءبىلىم مينيسترلىگى تاراتقان مالىمدەمەدە.
اۋعانستانداعى ايەلدەر ۇنەمى ءبىلىم الۋ مۇمكىندىگىنەن ايىرىلادى.
وتكەن جىلى تالىپتەر قىزداردىڭ ورتا مەكتەپتەرگە بارۋىنا تىيىم سالعان.
بيىل ناۋرىز ايىندا تالىپتەر قىزدار مەكتەبىنىڭ جاقىن ارادا اشىلاتىنى تۋرالى بىرنەشە حابارلاما جىبەرگەننەن كەيىن شەتەلدىك ۇكىمەتتەردىڭ سىنىنا ۇشىراپ، اقىرى ولاردى جابۋلى كۇيىندە قالدىردى.
اۋعانستان ج و و-نا وقۋعا ءتۇسۋ ەمتيحانى ءۇش اي بۇرىن ءوتتى. وقۋعا تۇسكەندەر اراسىندا مىڭداعان قىزدار بار.
ءبىراق ولار وقي الاتىن پاندەر مەن ماماندىقتارعا قاتاڭ شەكتەۋ قويىلعان: ايەلدەرگە ۆەتەريناريا، ينجەنەريا، ەكونوميكا جانە اۋىل شارۋاشىلىعى ماماندىقتارىن مەڭگەرۋگە تىيىم سالىندى، ال جۋرناليستيكاعا قاتاڭ شەكتەۋ بار.
وتكەن جىلى تاليبان اۋعانستانداعى بيلىكتى باسىپ العاننان بەرى ۋنيۆەرسيتەتتەر بولەك وقۋ اقىسىن ەنگىزىپ، ەرلەر مەن ايەلدەر وقۋعا بولەك ەسىكتەن كىرەتىن بولعان.
سونىمەن قاتار، ايەلدەرگە بەلگىلى ءبىر جاستان اسقان باسقا ايەلدەر نەمەسە ەر ادامدار عانا ساباق بەرە الاتىن.
قاراشا ايىندا كابۋلداعى ايەلدەرگە قالالىق ساياباقتارعا كىرۋگە تىيىم سالىندى. تاليبان مۇنداي ارەكەتتەر شاريعات نورمالارىن بۇزادى دەپ ەسەپتەيدى.
شامامەن سول ۋاقىتتا اۋعانستان استاناسىندا ايەلدەرگە باسسەيندەر مەن سپورت زالدارىنا بارۋعا بولمايتىنى حابارلاندى.