ش ق و ايماقتىق كوممۋنيكاتسيالار قىزمەتىندە وتكەن باسپا ءسوز ءماسليحاتىندا وبلىستىق ت ج د مەملەكەتتىك ءورت باقىلاۋ باسقارماسىنىڭ باستىعى نۇرجان ءومىرجانوۆ جاڭا جىل مەرەكەسى قارساڭىندا جۇرتشىلىققا قاۋىپسىزدىك شارالارىن ءتۇسىندىرىپ ءوتتى.
«وتشاشۋلاردى ساتىپ العان كەزدە جارامدىلىق مەرزىمىنە نازار اۋدارىڭىز. ەگەر تاۋار مەرزىمى ءوتىپ كەتسە، وندا ونى ەشبىر جاعدايدا پايدالانۋعا بولمايدى. پيروتەحنيكانى پايدالانعاندا تەمەكى شەگۋگە جانە بالالاردىڭ قولىنا ۇستاتۋعا قاتاڭ تىيىم سالىنادى. سونداي-اق تۇراقتا تۇرعان كولىكتەردىڭ جانىندا وتشاشۋلاردى اتۋعا بولمايدى. 50 مەتر راديۋستا ءورت شىعۋ قاۋپى بار نىساندار بولماۋى ءتيىس. وتشاشۋدى تاماشالاۋعا جينالعان ادامدار ۇشىرۋ الاڭىنان 15-20 مەتر قاشىقتىقتا ورنالاسۋى كەرەك»، - دەدى ول.
وتشاشۋدى عيمارات ىشىندە جانە ءۇي-جايدا قولدانۋعا تىيىم سالىنعان. قاتتى جەلدە دە وتشاشۋدى اتۋعا رۇقسات جوق.
نۇرجان ءومىرجانوۆتىڭ ايتۋىنشا، ۇيگە شىرشانى ورناتقان كەزدە جىلىتۋ قۇرىلعىلارىنىڭ ماڭىنا قويماعان ءجون. شىرشانى تەك زاۋىتتا جاسالعان، جارامدى ەلەكتر گيرلياندتارىمەن بەزەندىرۋ قاجەت.
اۆتور
تالعاتجان مۇحامەتبەك ۇلى