ب ق و پوليتسيا دەپارتامەنتىنىڭ باسپا ءسوز قىزمەتىنەن ءمالىم ەتكەنىندەي، وقيعا 19-جەلتوقسان كۇنى ساعات 03.50-دە مۇحيت پەن د. نۇرپەيىسوۆا كوشەلەرىنىڭ قيىلىسىندا بولدى.
«32 جاستاعى جۇرگىزۋشى ايداپ كەلە جاتقان «ۆاز-2110» اۆتوكولىگى توقتاتىلدى. مەديتسينالىق كۋالاندىرۋعا سايكەس جۇرگىزۋشى ورتا دارەجەلى ماس كۇيىندە بولعان. ونىڭ ۇستىنە بۇدان بۇرىن جەتى جىلعا كولىك قۇرالىن باسقارۋ قۇقىعىنان ايىرىلعان بولىپ شىقتى. جۇرگىزۋشىنىڭ قاسىندا ونىڭ 24 جاستاعى دوسى بولعان. اۆتوكولىكتى ارنايى تۇراققا راسىمدەپ جاتقان كەزدە جۇرگىزۋشىنىڭ دوسى پوليتسيا ينسپەكتورىنا بۇراۋىشپەن بىرنەشە رەت سوققى جاساعان. قىلمىستى جاساعان كەزدە ول ماس كۇيىندە بولعان»، دەدى پوليتسيا مايورى داريعا ءماجيتوۆا.
پوليتسيا قىزمەتكەرىنە شابۋىل جاساعان جولاۋشىعا قاتىستى ق ر ق ك 380-بابى 1-بولىگىنە سايكەس قىلمىستىق ءىس قوزعالىپ، ول قاماۋعا الىندى. بۇل باپ بويىنشا ايىپتى دەپ تانىلعان ادام ەكى مىڭ ايلىق ەسەپتىك كورسەتكىشكە دەيىنگى مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە التى ءجۇز ساعاتقا دەيىنگى مەرزىمگە قوعامدىق جۇمىستارعا تارتۋعا نە ەكى جىلعا دەيىنگى مەرزىمگە باس بوستاندىعىن شەكتەۋگە نە سول مەرزىمگە باس بوستاندىعىنان ايىرۋعا جازالانادى.
جۇرگىزۋشى ق ر ق ك 346-بابىنا سايكەس جاۋاپقا تارتىلاتىن بولادى. بۇل باپ بويىنشا كولىكتى باسقارۋ قۇقىعىنان ءومىر بويىنا ايىرۋ، ءىرى مولشەردە ايىپپۇل، باس بوستاندىعىن شەكتەۋ نەمەسە ايىرۋ جازاسى قاراستىرىلعان.
ەسكە سالا كەتەيىك، بۇدان بۇرىن ورالدا ەكى اكتوكولىك سوقتىعىسىپ، ءۇش ادامنىڭ اۋرۋحاناعا تۇسكەنىن جازعان بولاتىنبىز.