«تەرگەۋ سوتىنىڭ قاۋلىسىمەن تەرگەۋ ورگاندارىنىڭ 2 اي مەرزىمگە قاماۋعا الۋ تۇرىندەگى بۇلتارتپاۋ شاراسىن سانكسيالاۋ تۋرالى ءوتىنىشى قاناعاتتاندىرىلدى. ياعني، 2023-جىلدىڭ 18- اقپانىنا دەيىن»، - دەلىنگەن سوت حابارلاماسىندا.
قاۋلى زاڭدى كۇشىنە ەنگەن جوق.
قىلمىستىق-پروتسەستىك كودەكستىڭ 201-بابىنا سايكەس تەرگەۋ قۇپيا تۇردە جۇزەگە اسىرىلعاندىقتان، تەرگەپ-تەكسەرۋگە قاتىستى وزگە دە مالىمەتتەر جاريالانبايدى.
ەسكە سالساق، بۇعان دەيىن جۋرناليست ميحايل كوزاچكوۆ ۇيىمداسقان قىلمىستىق توپقا كومەكتەسكەن دەگەن كۇدىكپەن ۇستالعانىن جازعان بولاتىنبىز. سونداي-اق اقوردا ميحايل كوزاچكوۆتىڭ ءىسى ق ر زاڭناماسىنا سايكەس تەك قۇقىق شەڭبەرىندە قارالۋعا ءتيىس ەكەنىن حابارلادى. باس پروكۋراتۋرا دا بۇل ىسكە قاتىستى پىكىر ءبىلدىردى.