بۇكىل شىعىندى قوسقاندا قازاقستانداعى ورتاشا جالاقىدان اساتىن سوما شىعۋى مۇمكىن. سوندىقتان مەرەكە الدىندا قوسىمشا تابىس تابۋ وزەكتى بولا تۇسەدى، دەپ حابارلايدى قازاقپارات HeadHunter رەسۋرسىنا سىلتەمە جاساپ.
بۇگىنگى تاڭدا، hh.kz سايتىنىڭ مالىمەتىنشە قازاقستاندا نەگىزگى جۇمىسپەن ۇشتاستىرۋعا بولاتىن 3,5 مىڭنان استام بوس جۇمىس ورنى اشىلعان.
بۇل كەشكە نەمەسە دەمالىس كۇندەرى جاسالاتىن ۋاقىتشا نەمەسە ءبىر رەتتىك جۇمىس بولۋى مۇمكىن.
بوس جۇمىس ورىندارىنىڭ باسىم بولىگى (%49) الماتىعا، %25 استاناعا تيەسىلى. ايتا كەتۋ كەرەك، جۇمىس ورىندارىنىڭ %6 مۇمكىندىگى شەكتەۋلى جاندار ءۇشىن قولجەتىمدى.
نەگىزىنەن قوسىمشا جۇمىستى جەكە ءبىلىم مەكەمەلەرى، بولشەك ساۋدا جانە IT كومپانيالار ۇسىنادى.
ەڭ باستىسى، بۇل جۇمىس بەرۋشىلەر بىلىكتىلىككە جوعارى تالاپ قويمايدى.
جاڭا جىلعا دەيىن قوسىمشا تابىس تابۋدىڭ ەڭ ۇلكەن مۇمكىندىگى مۇعالىمدەر مەن وقىتۋشىلاردا - 365 ۇسىنىس.
ەكىنشى ورىندا call-ورتالىق وپەراتورلارى (281 ۇسىنىس) ، ودان كەيىن ساتۋ جونىندەگى مەنەدجەرلەر (275 ۇسىنىس) جانە ساتۋ جونىندەگى كەڭەسشىلەر (180 ۇسىنىس).
ساتۋ مەنەدجەرى، جەكە جۇرگىزۋشى، باعدارلاماشى، ازىرلەۋشىلەر مەن جىلجىمايتىن مۇلىك اگەنتىنە قوسىمشا جۇمىس ءۇشىن 800 مىڭ تەڭگەدەن ارتىق جالاقى تولەۋگە دايىن.
جاڭا جىل الدىنداعى ەڭ جوعارى قوسىمشا تابىس 2 جىلدان اسا تاجىريبەسى بار iOS موبيلدى قوسىمشاسىن ازىرلەۋشىگە ۇسىنىلادى - 1125000 تەڭگە.