«قازاقستان رەسپۋبليكاسى ازاماتتارىنىڭ تولەم قابىلەتىن قالپىنا كەلتىرۋ جانە بانكروتتىق تۋرالى» زاڭ جوباسىن كەيبىر وتانداستارىمىز دۇرىس تۇسىنبەي جاتقان سەكىلدى. بانكروت مارتەبەسىن السا، قارىزى كەشىرىلەدى دەگەن تۇسىنىك بار. ول قاتە تۇسىنىك. بۇعان دەيىن بانكروت بولۋدىڭ سالدارىن ايتىپ كەتتىم. 5 جىلعا دەيىن نەسيە، باسقا دا قارىز الا المايدى. جەكە تۇلعانىڭ قارجىلىق جاعدايىنا مونيتورينگ جۇرگىزىلەدى. سوندىقتان بانكروت بولۋدىڭ سالدارىن ۇمىتپاعان ءجون. ءوز كەزەگىندە جاڭا زاڭنامانى حالىققا كەڭىنەن ءتۇسىندىرۋ جۇمىسىن جالعاستىرامىز»، - دەدى ق ر قارجى ۆيتسە-ءمينيسترى ەرجان ءبىرجانوۆ سەناتتا وتكەن دوڭگەلەك ۇستەل بارىسىندا.
سونداي-اق، ۆيتسە-مينيستر سوت ارقىلى ءوزىن بانكروت دەپ جاريالاۋدىڭ نەمەن اياقتالاتىنىن ايتتى.
«سوتتىڭ شەشىمىنە سايكەس، بانكروت بولعان بورىشكەردىڭ مىندەتىن وتەۋ مەرزىمى وتكەن دەپ سانالادى. كرەديتورلار بورىشكەردەن قارىزىن وتەۋىن تالاپ ەتە المايدى. بورىشكەرگە ايىپپۇل سالۋ جانە سىياقى ەسەپتەۋ اۆتوماتتى تۇردە توقتاتىلادى. ارينە، بانكروت بولعان بورىشكەرگە نەسيە الۋ، كەپىل قويۋ جانە وزدىگىنەن مامىلە جاساۋعا تىيىم سالىنادى»، - دەيدى ول.
بۇعان دەيىن ەرجان ءبىرجانوۆ ەلىمىزدە نەسيە جانە باسقا دا قارىزىن تولەمەي جۇرگەن 7 ميلليون بورىشكەر بارىن ايتتى.