ۇلىبريتانيالىق Guardian باسىلىمى قازاقتىڭ ۇلتتىق تاعامدارىنداعى تۇزدىڭ شامادان ارتىق مولشەرى ينسۋلت، قان قىسىمىنىڭ جوعارىلاۋى سياقتى اۋرۋلارعا اكەپ سوقتىرۋى مۇمكىن ەكەنىن جازدى. بۇل تۋرالى ازاتتىق راديوسى حابارلادى.
باسىلىم دەرەگىنشە، تۇزدى كۇنىنە 4 ەسە كوپ تۇتىناتىن ەلدە ينسۋلت پەن جوعارى قان قىسىمىمەن اۋىراتىندار ارتىپ جاتقان كورىنەدى. ەلىمىزدەگى ۇلتتىق نەيروحيرۋرگيا ورتالىعىنىڭ مامانى ەرجان ادىلبەكوۆتىڭ ءوزى «قازاقتار كۇنىنە 17 گرام تۇز تۇتىنادى، ال بۇل - تىم كوپ» دەپ وتىر.
سونداي-اق تۇزدى شامادان تىس تۇتىنۋ جۇرەك-قان تامىر اۋرۋلارىنا شالدىعۋ قاۋپىن ارتتىراتىنىن د د س ۇ قازاقستانداعى كەڭسەسىنىڭ قىزمەتكەرى لاۋرا وتەمىسوۆا دا العا تارتتى.
ونىڭ ايتۋىنشا، تاماقتانۋ جونىندەگى جۇمىس توبى قازاقستاندا د د س ۇ ۇسىنىستارىنا سايكەس تاعام ونىمدەرىنىڭ 100 گرامىندا قانشا تۇز، قانت پەن ماي مولشەرى بار ەكەنىن كورسەتۋدى مىندەتتەيتىن العاشقى قادامدار جاساعان.
بۇل رەتتە تاماقتىڭ قۇرامى بويىنشا اقپاراتتاندىرۋ كامپانيالارىن ايەلدەرگە باعىتتاۋ ماڭىزدى ەكەن. ويتكەنى وتباسى مۇشەلەرىنىڭ قانداي تاعامدى ءىشىپ-جەيتىنىن كوپ رەتتە سول ايەلدەر انىقتايدى.