«الەۋمەتتىك قىزمەتكەرلەردىڭ مارتەبەسىن ناقتىلاپ، جالاقىسىن ارتتىرۋ - كۇن تارتىبىندەگى ماسەلە. قازىر بىزدە حالىقتى الەۋمەتتىك قورعاۋ بويىنشا 5 توپ جۇمىس ىستەپ جاتىر. سونىڭ ءبىرى الەۋمەتتىك قىزمەتكەرلەردىڭ جاعدايىن قاراستىرادى. ول جەردە مارتەبە بەرۋ جانە جالاقىنى ارتتىرۋ، سول سياقتى الەۋمەتتىك قىزمەتكەرلەردىڭ بىلىكتىلىگىن كوتەرۋ قامتىلادى. سونىمەن قاتار، ولاردىڭ مىندەتىنە كىرمەيتىن فۋنكتسيانى الىپ تاستاۋ ماسەلەسى تۇر»، - دەدى ەڭبەك جانە حالىقتى الەۋمەتتىك قورعاۋ ۆيتسە-ءمينيسترى ەربول وسپانوۆ ورتالىق كوممۋنيكاتسيالار قىزمەتى الاڭىندا وتكەن باسپا ءسوز ءماسليحاتىندا.
ونىڭ ايتۋىنشا، الەۋمەتتىك قىزمەتكەرلەردىڭ مارتەبەسىن بەلگىلەۋ جانە جالاقىنى ءوسىرۋ بويىنشا جۇمىس ناتيجەسى 2023-جىلدىڭ ءبىرىنشى توقسانىندا جاريالانادى.
بۇعان دەيىن ۆيتسە-مينيستر ەڭبەك جانە حالىقتى الەۋمەتتىك قورعاۋ مينيسترلىگىن ەكىگە بولۋگە قاتىستى پىكىر بىلدىرگەن ەدى.
سونداي-اق، بريفينگ بارىسىندا ەلىمىزدە مۇگەدەكتىكتى تاعايىنداۋ پروتسەسى جاڭاراتىنى ايتىلدى.