ەسىرتكى مەن پرەكۋرسورلاردىڭ تاعى 27 ءتۇرى مەملەكەتتىك باقىلاۋدا بولادى. ق ر ىشكى ىستەر مينيسترلىگى ازىرلەگەن قاۋلى جوباسى اشىق ن ق ا پورتالىندا جاريالاندى، دەپ حابارلايدى قازاقپارات ءتىلشىسى.
«ءى ءى م ەسىرتكى مەن پرەكۋرسورلاردىڭ تاعى 27 ءتۇرىن مەملەكەتتىك باقىلاۋعا ەنگىزۋ جونىندەگى ۇكىمەت قاۋلىسى جوباسىن ازىرلەدى. بۇل تىزىمدە اينالىمىن مەملەكەت باقىلايتىن 1 مىڭنان استام زات بار. قازىر وعان ەسىرتكىنىڭ تاعى 17 جانە پرەكۋرسورلاردىڭ 13 ءتۇرى، ولاردى دايىنداۋ ءۇشىن پايدالانىلاتىن زاتتار ەنگىزىلەدى»، - دەدى ق ر ءى ءى م وكىلى شۇعىلا تۇرلىبەك مينيسترلىكتىڭ ونلاين بريفينگىندە.
اتاپ ايتقاندا، «ءدارىحانالىق» ناشاقورلىقپەن كۇرەسۋ ماقساتىندا پسيحوتروپتىق زاتتار ءتىزىمى انالگەتيك «ترامادولمەن» تولىعادى.
ونى ەسىرتكىگە تاۋەلدىلەر ەيفوريا اسەرىن الۋ ءۇشىن پايدالانادى جانە تۇتاستاي العاندا ەسىرتكىگە تاۋەلدىلىك قالىپتاسۋىنا ىقپال ەتەدى.
«قىلمىستىق جاۋاپكەرشىلىككە تارتىلاتىن «ترامادولدىڭ» بىلىكتىلىك مولشەرى 0,1 گراممعا دەيىن - از مولشەردە، 10 گراممعا دەيىن - ۇلكەن مولشەردە، 10 گرامنان باستاپ - اسا ۇلكەن مولشەردە بولىپ جازىلدى. ۇكىمەت اكتىسى قولدانىسقا ەنگەن سوڭ «ترامادول» تەك رەتسەپت بويىنشا جانە ەسىرتكى قۇرالدارى مەن پسيحوتروپتىق زاتتاردىڭ اينالىمىنا ليتسەنزياسى بار ءدارىحانالىق جانە ەمدەۋ- پروفيلاكتيكالىق ۇيىمداردا عانا بەرىلەتىن بولادى. ۇكىمەت قاۋلىسىنىڭ جوباسى «اشىق نورماتيۆتىك قۇقىقتىق اكتىلەر» پورتالىندا جاريالانعان»، - دەپ تولىقتىردى شۇعىلا تۇرلىبەك.