سالدارىنان كاسىپكەرلەرگە جانە جەكە تۇلعالارعا ميللياردتاعان شىعىن كەلدى. ونىڭ دەنى الماتىدا. زالال كەلىپ، شىعىنعا باتقان كاسىپكەرلكەردىڭ ءبىرى - ايگۇل مىرزا، دەپ حابارلايدى قازاقپارات ءتىلشىسى.
ەل تاريحىندا قارا تاڭبا بولىپ قالعان قاڭتار وقيعاسىنا ءبىر جىلعا جۋىق ۋاقىت بولدى.
قوعامدى تارتىپسىزدىك جايلاعان سول كۇندەرى رەسپۋبليكا بويىنشا مىڭداعان كاسىپكەر زارداپ شەكتى. بۇلىك كەزىندە الماتىدا جۇزدەگەن نىسان قيرادى.
بۇگىنگى كۇنى كاسىپكەرلەردىڭ باسىم بولىگى قايتا اياققا تۇرىپ، كاسىبىن جالعاستىرىپ جاتىر.
قاڭتاردىڭ 5 ىنەن 6 سىنا قاراعان ءتۇنى ايگۇل مىرزانىڭ اقشا ايىرباستاۋ پۋنكتىنە ءبىر توپ ادام باسىپ كىرگەن.
«ابىروي بولعاندا، قىزمەتكەرلەر شىعىپ ۇلگەردى. بۇزاقىلار ءبارىن قيراتىپ، اقشانى قولدى ەتتى. بيزنەس سالاسىندا جۇرگەندەر تاۋەكەلگە بارادى. كاسىبىن دامىتۋ ءۇشىن قولىنداعىسىن سالادى. ءبىز دە سويتتىك. ورتا جاسقا كەلگەندە دالادا قالدىق دەپ ويلادىم. قازىر ويلاسام جۇرەگىم سىزداپ، قان قىسىمىم كوتەرىلىپ، دىرىلدەپ كەتەم. سول وقيعادان كەيىن دەنساۋلىعىم سىر بەردى»، - دەيدى كاسىپكەر.
ايتۋىنشا، مەملەكەت ولاردى قاراۋسىز قالدىرماعان. وتەماقى الىپ، از ۋاقىتتىڭ ىشىندە كاسىبىن قايتا جانداندىردى.
«تارتىپسىزدىك سالدارىنان مەنىڭ بيزنەسىمە 52 ميلليون تەڭگەدەن استام زالال كەلدى. بۇكىل قاجەتتى قۇجاتتاردى راسىمدەگەننەن كەيىن ءتورت ايدىڭ ىشىندە ەسەپشوتىما ءتيىستى قاراجات تولىق كولەمدە اۋدارىلدى. وسىنداي قيىن كەزدە ۇكىمەت ءۇمىت سىيلادى. بىزگە كومەككە كەلدى. كاسىبىمىزدى ارى قاراي جالعاستىرۋعا مۇمكىندىك بەردى. ايتار العىسىم شەكسىز»، - دەيدى الماتىلىق كاسىپكەر.
ايتا كەتەيىك، الماتىدا قاڭتار وقيعاسى كەزىندە 1600 گە جۋىق بيزنەس سۋبەكتىسى زارداپ شەكتى. ونىڭ 96 پايىزى - شاعىن جانە ورتا بيزنەس وكىلدەرىنە تيەسىلى.