مەسسي الەم چەمپيونى بولعاننان كەيىن مالىمدەمە جاسادى
12:25, 19 - جەلتوقسان 2022
استانا. قازاقپارات - ارگەنتينا قۇراماسىنىڭ كاپيتانى ليونەل مەسسي الەم چەمپيونى اتانعاننان كەيىن مالىمدەمە جاسادى.
«قانشا ۋاقىت ارماندادىم، ءتىپتى سەنە المايمىن. مەنىڭ وتباسىما، مەنى قولدايتىندارعا جانە بىزگە سەنگەندەرگە كوپ راقمەت. ءبىز، ارگەنتينالىقتار، بىرىگىپ شايقاسساق، بارىنە قول جەتكىزە الاتىنىمىزدى دالەلدەدىك. بۇل - بارشا ارگەنتينالىقتىڭ ارمانى ءۇشىن كۇرەسكەن كوماندانىڭ جەمىسى. ءبىزدىڭ قولىمىزدان كەلدى!»، - دەدى مەسسي Instagram-پاراقشاسىندا.
ايتا كەتەيىك، كەشە ارگەنتينا قۇراماسى الەم چەمپيوناتىنىڭ فينالىندا فرانسيانى جەڭگەن بولاتىن. مەسسيدىڭ ءوزى سول ماتچتە دۋبل جاساعان ەدى.