ەگەر پاتسيەنتتەر كورسەتىلگەن مەديتسينالىق قىزمەتتەردىڭ ساپاسىنا قاناعاتتانباسا، مەديتسينالىق قىزمەتكەر تاراپىنان دورەكىلىككە، تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە جانە مىندەتتى الەۋمەتتىك مەديتسينالىق ساقتاندىرۋ جۇيەسىندە ۇسىنىلاتىن مەديتسينالىق قىزمەتتەر ءۇشىن اقشالاي قاراجاتتى تالاپ ەتۋ فاكتىلەرىنە نەمەسە باسقا دا پروبلەمالىق ماسەلەلەرگە تاپ بولسا، پاتسيەنت ءوز قۇقىعىن قالاي قورعايدى؟
ەگەر ءسىز:
- كورسەتىلگەن مەديتسينالىق قىزمەتتەردىڭ ساپاسىنا قاناعاتتانباساڭىز
- مەديتسينالىق قىزمەتكەر تاراپىنان دورەكىلىككە
- تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە جانە مىندەتتى الەۋمەتتىك مەديتسينالىق ساقتاندىرۋ جۇيەسىندە ۇسىنىلاتىن مەديتسينالىق قىزمەتتەر ءۇشىن اقشالاي قاراجاتتى تالاپ ەتۋ فاكتىلەرىنە نەمەسە باسقا دا پروبلەمالىق ماسەلەلەرگە تاپ بولساڭىز،
پاتسيەنتتەرگە قولداۋ كورسەتۋ جانە ىشكى اۋديت قىزمەتىنە كومەك سۇراڭىز. مۇنداي قىزمەت ءاربىر مەديتسينالىق ۇيىمدا جۇمىس ىستەيدى. كەرى بايلانىس ءۇشىن بايلانىس دەرەكتەرىن كورسەتە وتىرىپ، جازباشا ءوتىنىش جازۋ جەتكىلىكتى. تولىعىراق اقپاراتتى ەمحانانىڭ نەمەسە اۋرۋحانانىڭ قابىلداۋ بولىمىنەن بىلۋگە بولادى.
ايماقتىڭ دەنساۋلىق ساقتاۋ باسقارماسىنىڭ بايلانىس ورتالىعىنا جۇگىنۋگە بولادى. بارلىق مەديتسينالىق ۇيىمدار دەنساۋلىق ساقتاۋ باسقارمالارىنا باعىناتىندىقتان، ولاردىڭ وكىلدەرى ءسىزدىڭ ماسەلەڭىزدى شەشۋگە اسەر ەتە الادى.
Qoldau 24/7 قوسىمشاسىندا ءوتىنىم قالدىرۋعا بولادى. ءسىزدىڭ ءوتىنىشىڭىز Qoldau 24/7 ارناسىنا تۇسكەننەن كەيىن الەۋمەتتىك مەديتسينالىق ساقتاندىرۋ قورىنىڭ ماماندارى مەديتسينالىق ۇيىممەن حابارلاسادى جانە قىزمەت كورسەتۋ ساپاسىن تەكسەرەدى. ەگەر ءسىز قانداي دا ءبىر سەبەپپەن ونى الماعان بولساڭىز، وندا ولار باس تارتۋ سەبەبىن انىقتايدى. بارلىق وتىنىشتەرگە تىزىلىمدە تىركەۋ ءنومىرى بەرىلەدى، ەنگىزىلەدى، سونىڭ ارقاسىندا ءوتىنىشتىڭ مارتەبەسىن قاداعالاۋعا بولادى.
@SaqtandyryBot Telegram-بوتىندا ءوتىنىم قالدىرىڭىز. ول ءۇشىن نەگىزگى مازىردە «1406 عا حابارلاما جىبەرۋ» پارمەنىن تاڭداۋ كەرەك. وتىنىمدە ماسەلەنىڭ ءمانى، سونداي-اق ايماقتىڭ جانە مەديتسينالىق ۇيىمنىڭ اتاۋى بولۋى كەرەك.
قوردىڭ تاۋلىك بويى جۇمىس ىستەيتىن 1406 ءبىرىڭعاي بايلانىس ورتالىعىنا جۇگىنۋ قاجەت. قازاقستاننىڭ بارلىق اۋماعىندا ۇيالى جانە قالالىق تەلەفونداردان قوڭىراۋ شالۋ تەگىن.
«سۇراق قويۋ / شاعىمدانۋ» بولىمىندە ءوتىنىش قالدىرۋعا بولادى.