الماتىدان قىتايدىڭ شيان قالاسىنا ۇشىق قاتىنايتىن بولدى

استانا. قازاقپارات - الماتى مەن قىتايدىڭ شيان قالاسىنىڭ اراسىندا ۇشىق قاتىنايتىن بولدى، دەپ حابارلايدى قازاقپارات ازاماتتىق اۆياتسيا كوميتەتىنىڭ باسپا ءسوز قىزمەتىنە سىلتەمە جاساپ.

حالىقارالىق قاتىناستى ودان ءارى جاڭارتۋ جانە اشۋ بويىنشا جۇرگىزىلىپ جاتقان جۇمىس شەڭبەرىندە ق ر ي ي د م ازاماتتىق اۆياتسيا كوميتەتى قىتاي حالىق رەسپۋبليكاسىنىڭ اۆياتسيالىق بيلىك ورىندارىمەن بىرلەسىپ قىتاي تاراپىنىڭ جيىلىكتەر سانى مەن تاعايىندالعان پۋنكتتەرى بويىنشا شەكتەۋلەرىن ەسكەرە وتىرىپ، قازاقستان مەن قىتاي اراسىنداعى تۇراقتى جولاۋشىلار رەيستەرىن ۇلعايتۋ ماسەلەسىن پىسىقتادى.

اعىمداعى جىلدىڭ 23-جەلتوقسانىنان باستاپ «China Southern Airlines» اۋەكومپانياسى الماتى - شيان باعىتى بويىنشا جۇما كۇندەرى اپتاسىنا 1 رەيس جيىلىگىمەن ب-738 ۇلگىسىندەگى اۋە كەمەلەرىندە تۇراقتى جولاۋشىلار رەيستەرىن ورىنداۋدى باستاۋدى جوسپارلاپ وتىر.

بۇل رەيستىڭ اشىلۋى ەكى ەل اراسىنداعى ساۋدا- ەكونوميكالىق، ينۆەستيتسيالىق، تۋريستىك جانە مادەني ىنتىماقتاستىقتىڭ دامۋىنا وڭ اسەر ەتەدى.