فۋتبولدان الەم چەمپيوناتى فينالىنىڭ باس تورەشىسى انىقتالدى

استانا. قازاقپارات - قاتاردا ءوتىپ جاتقان فۋتبولدان الەم چەمپيوناتى فينالىندا پولشالىق شيمون مارتسينياك باس تورەشى قىزمەتىن اتقارادى، دەپ حابارلايدى قازاقپارات ءتىلشىسى.

الەم چەمپيوناتى فينالىندا ارگەنتينا جانە فرانسيا قۇرامالارى كەزدەسەدى.

اتالعان ويىنعا شيمون مارتسينياك باس تورەشى بولىپ بەكىتىلدى. وعان وتانداستارى پاۆەل سوكولنيسكي مەن توماش ليستكيەۆيچ كومەكشىلىك جاسايدى.

پولشالىق تورەشى فينالدا كەزدەسەتىن ەكى قۇرامانىڭ دا بۇعان دەيىنگى ويىندارىندا قىزمەت اتقاردى. ول توپتىق كەەزڭدەگى ەكىنشى تۋردا فرانسيا مەن دانيا (2:1)، 1/8 فينالاعى ارگەنتينا مەن اۆستراليا (2:1) كەزدەسۋلەرىندە تورەشىلىك ەتتى.

فينالداعى ارگەنتينا جانە فرانتسيا قۇرامالارى كەزدەسۋى 18-جەلتوقساندا ەلوردا ۋاقىتىمەن 21.00 دە «Qazaqstan» جانە «Qazsport» تەلەارنالارىنان تىكەلەي ەفيردە كورسەتىلەدى.