«تاۋەلسىزدىك كۇنىنە وراي ەلوردادا ءتۇرلى باعىتتاعى 50 گە جۋىق شارا وتەدى. ءىس-شارالاردى قالا اكىمدىگىنەن بولەك، ۇكىمەتتىك ەمەس ۇيىمداردا دا وتكىزىپ جاتىر. شارالاردىڭ فورماتى دا ءارتۇرلى. كەشە 1 مىڭعا جۋىق مۇقتاج جانعا ازىق-تۇلىك سەبەتىن تاراتتىق. ونىڭ ىشىندە الەۋمەتتىك وسال توپقا جاتاتىن وتباسىلار دا بار»، - دەدى استانا قالاسى اكىمدىگىنىڭ جاستار ساياساتى باسقارماسىنىڭ ءبولىم باسشىسى ايان ەرمەنتايەۆ.
سونداي-اق، اكىمدىك وكىلى تاۋەلسىزدىك مەرەكەسىمەن قۇتتىقتاي كەلە، استانالىقتارعا ۇندەۋ جولدادى.
«مەملەكەتتىك تۋ - تاۋەلسىزدىكتىڭ سيمۆولى. وسى ورايدا مەرەكە كۇنى ەلوردا جۇرتىن ءۇيدىڭ تەرەزەسىنە نەمەسە بالكونعا تۋ ءىلىپ قويۋ ءداستۇرىن قولداۋعا شاقىرامىن»، - دەيدى ول.
ايتا كەتسەك، بۇگىن ەلوردادا تاۋەلسىزدىك كۇنىنە وراي اۆتوشەرۋ ءوتتى.
اتالعان شاراعا مەملەكەتتىك تۋ تاعىلعان 30 دان استام جەڭىل كولىك قاتىستى.
اۆتوشەرۋ قاتىسۋشىلارى مەملەكەتتىك رامىزدەر الاڭىنان باستاپ «وتان قورعاۋشىلار» مونۋمەنتىنە دەيىن 31 شاقىرىم ءجۇرىپ ءوتتى.