سەناتور زەرگەرلىك نارىقتاعى كەمشىلىكتەردى ايتتى

استانا. قازاقپارات - سەناتور عۇمار دۇيسەمبايەۆ قازاقستاندىق زەرگەرلەردىڭ جۇمىسىن قيىنداتىپ وتىرعان كەدەرگىلەر تۋرالى پرەمەر- مينيستر ءاليحان سمايىلوۆتىڭ اتىنا جولداعان ساۋالىندا ايتىپ بەردى، دەپ حابارلايدى قازاقپارات ءتىلشىسى.

دەپۋتاتتىڭ ايتۋىنشا، قازاقستان التىن ءوندىرۋ بويىنشا الەمنىڭ توپ-20 ەلىنىڭ قاتارىنا كىرەدى. ءبىراق زەرگەرلىك وتاندىق وندىرىسكە التىندى نەگىزىنەن لومباردتار مەن كولەڭكەلى نارىقتاعىلار جەتكىزىپ كەلەدى.

«رەسمي ستاتيستيكاعا سايكەس، 2021 -جىلى ەلدىڭ زەرگەرلىك بۇيىمدار نارىعى 76 ميلليون ا ق ش دوللارىن قۇرادى، ونىڭ ىشىندە تەك 4 ميلليون دوللاردىڭ تاۋارىن، ياعني 5 پايىزىن عانا وتاندىق زەرگەرلىك بۇيىمدار وندىرۋشىلەرى وندىرگەن. قازاقستان زەرگەرلەر ليگاسىنىڭ باعالاۋىنا قاراعاندا، زەرگەرلىك بۇيىمدار نارىعى � كونترافاكتىلىك ءارى كونتراباندالىق ونىمنەن تۇرادى»، - دەدى عۇمار دۇيسەمبايەۆ سەناتتىڭ جالپى وتىرىسىندا.

سەناتور ەلىمىزدىڭ زەرگەرلىك ونەركاسىبىن دامىتۋعا، ياعني جاڭا جۇمىس ورىندارىن اشۋعا جانە بيۋدجەت تۇسىمدەرىنىڭ وسۋىنە باعىتتالعان ءبىرقاتار ۇسىنىستار ايتتى.

«وسى ورايدا جۇمىستى كولەڭكەلى يمپورتقا قارسى كۇرەستى كۇشەيتۋ جانە كونتراباندانى شەكتەۋ، ىنتالاندىرۋ شارالارىن ەنگىزۋ ارقىلى قازاقستاندىق زەرگەرلىك سالانىڭ باسەكەگە قابىلەتتىلىگىن ارتتىرۋ، لومباردتاردىڭ پايدالانۋدا بولعان زەرگەرلىك بۇيىمداردى تەك قانا ىشكى نارىققا وتكىزۋىن مىندەتتەۋ، وتاندىق زەرگەرلەردىڭ قۇزىرەتىن كۇشەيتۋدى ۇسىنامىن»، - دەدى دەپۋتات.