قىسقى دەمالىستى ۇيىمداستىرۋ اياسىندا قالانىڭ بارلىق اۋدانىندا ارنايى ورىندار بەلگىلەندى دەپ حابارلادى turkystan.kz ەلوردا اكىمدىگىنىڭ سايتىنا سىلتەمە جاساپ.
الماتى اۋدانىندا قىسقى دەمالىس ورىندارى قازاق ەلى مونۋمەنتىنىڭ جانىنداعى الاڭدا، ترياتلون پاركىندە، پرەزيدەنتتىك ساياباقتا (شاڭعى تراسسالارى دا)، اقبۇلاق وزەنىنىڭ جاعاسىندا ۇيىمداستىرىلادى.
اۋدان تۇرعىندارىن بارىنشا قامتۋ ماقساتىندا قوسىمشا 4 ەلدى مەكەندە دە جوسپارلانعان: تەمىرجولشىلار، ينتەرناتسيونالنىي، ميچۋرينو، كۇيگەنجار. سول سياقتى 3 مەكتەپتىڭ اۋماعىندا جانە تەمىرجولشىلار ەلدى مەكەنىندە 4 حوككەي كورتىن جايلاستىرۋ كوزدەلگەن.
سونىمەن قاتار سىرعاناقتار شاعىناۋدانداردا دا بولادى: وتاۋ، سارايشىق، سونداي-اق «نۇرلى جول» تەمىر جول ۆوكزالىنىڭ اۋماعىندا.
بايقوڭىر اۋدانىنا بيىل جاڭاجىلدىق شىرشالار، سلايدتار جانە شاعىن ساۋلەت نىساندارىن ورناتۋ، سول سياقتى مۇز ايدىندار مەن 5 مۇز قالاشىعىن سالۋ جوسپارلانىپ وتىر.
ولار مىنا ورىنداردا ورنالاسادى:
- «جاستار» سارايى؛
- ك. اتاتۇرىك اتىنداعى ساياباق؛
- «جازۋشىلار» اللەياسى (اباي داڭعىلى)؛
- ءوندىرىس ەلدى مەكەنى (اقبيداي جانە كەمەڭگەر ۇلى كوشەلەرىنىڭ قيىلىسى)؛
- كيرپيچنىي ەلدى مەكەنى (چەحويەۆ جانە جولىمبەت كوشەلەرىنىڭ قيىلىسى)؛
- قازقالاشىق ەلدى مەكەنى (دوسمۇحامەد ۇلى كوشەسىندەگى 4، 6، 8، 10، 12 ۇيلەردىڭ اۋلاسى).
سارىارقا اۋدانىندا مۇز ايدىندارى مەن سىرعاناقتاردى اباتتاندىرۋ جوسپارلانىپ وتىر:
- قالالىق الاڭ؛
- ەسىل وزەنىنىڭ جاعالاۋى؛
- ا. گەرتسەن- وقجەتپەس كوشەلەرىنىڭ قيىلىسى؛
- «كوكتال» ساياباعى.
سول سياقتى Demalys promenade اۋماعىندا فوتوايماقتار مەن شاعىن ساۋلەت نىساندارى ورناتىلادى.
ەسىل اۋدانىندا جاڭاجىلدىق كوڭىل-كۇيدى سىيلاۋ ءۇشىن بىرنەشە تارتىمدى ورىن انىقتالدى:
- «EXPO-2017» اۋماعى؛
- تۇران داڭعىلى جاعىنداعى ورتالىق ساياباق؛
- «كەرۋەن» سوو جانە «حان شاتىر» س و و اۋدانى؛
- بوتانيكالىق باق.
سونىمەن قاتار سىرعاناقتار مەن مۇز ايدىندارى مىناداي ورىنداردا ورنالاسادى:
- «الاۋ» س ك مۇز ايدىنى؛
- «My car» اۆتوورتالىعى - بيىكتىگى 3 م بولاتىن بالالار مۇز سىرعاناعى.
- «ازيا پارك» س و و جانە «Ailand».