ۇلى بريتانيا جۇرگىزگەن قۇتقارۋ وپەراتسياسىنىڭ ناتيجەسىندە 43 ادام قۇتقارىلدى، ولاردىڭ 30 ى سۋدان شىعارىلدى،
ايازدى ەسكەرە وتىرىپ، زارداپ شەككەندەردىڭ سانى ارتۋى مۇمكىن دەپ بولجام بار.
سەيسەنبىدەن سارسەنبىگە قاراعان ءتۇنى بۇل ايماقتاعى اۋا تەمپەراتۋراسى 1°C- قادەيىن تومەندەدى، سۋ تەمپەراتۋراسى 12°C.
قايىق گرينۆيچ بويىنشا تۇنگى ساعات ءۇش شاماسىندا دۋۆردان 50 ك م قاشىقتىقتا داندجەنەسسا جاعالاۋىندا اپاتقا ۇشىرادى.
ۇلى بريتانيا مەن فرانسيا سارسەنبى كۇنى تاڭەرتەڭ اۋقىمدى قۇتقارۋ جۇمىستارىن جۇرگىزدى.
ۇلى بريتانيانىڭ جاعالاۋ كۇزەتى، فرانتسيا اسكەري- تەڭىز كۇشتەرى جانە سانيتارلىق اۆياتسيا كومەككە جىبەرىلدى.
وسى اۋداندا ورنالاسقان بالىق اۋلاۋ قايىعى مەن تىكۇشاقتار دا جۇمىلدىرىلدى.
«بۇگىن تاڭەرتەڭ ماعان قايعىلى وقيعا تۋرالى حابارلاندى. مەنى ۇنەمى حاباردار ەتىپ وتىرادى، ءبىزدىڭ اگەنتتىكتەر بارلىق فاكتىلەردى شۇعىل تۇردە انىقتايدى»، - دەپ اتاپ ءوتتى ىشكى ىستەر ءمينيسترى سۋەللا براۆەرمان.
قايىقتا فرانسيادان سۋ ارقىلى ۇلىبريتانيا شەكاراسىن كەسىپ وتكەن ميگرانتتار بولعان بولۋى مۇمكىن.
بۇل اۋقىمدى قۇتقارۋ وپەراتسياسى - وتكەن قاراشادا فرانسيادان ۇلى بريتانياعا بەت العان 27 ميگرانت مىنگەن قايىق سۋعا باتىپ كەتكەننەن بەرگى ءبىرىنشى وپەراتسيا.
جۇمادان جەكسەنبىگە دەيىن لا- مانش ارقىلى ۇلى بريتانياعا 460 ادام قايىقپەن جەتكەن، ال بيىل ولاردىڭ جالپى سانى 45 مىڭعا جۋىقتادى.
سەيسەنبى كۇنى پرەمەر- مينيستر ريشي سۋناك شاعىن قايىقپەن جاسالعان زاڭسىز كوشى- قوننىڭ الدىن الۋ ءۇشىن جاڭا شارالار قابىلداناتىنىن جاريالادى.
پارلامەنتتە سويلەگەن سوزىندە پرەمەر- مينيستر ميگرانتتاردى سۋ ارقىلى زاڭسىز تاسىمالداۋعا قارسى كۇرەسەتىن ارنايى توپ قۇرۋ جوسپارلانىپ وتىرعانىن ايتتى.
بۇل بولىمگە قايىقتاردى بارلاۋ مەن ۇستاۋدى ۇيلەستىرەتىن اسكەري جانە ازاماتتىق ماماندار بىرىگەدى.