الەۋمەتتىك جەلىدە كەڭىنەن تالقىلانعان پوليتسەيدىڭ ارەكەتىنە قاتىستى شەشىم قابىلداندى. قىزمەت بابىندا شورتي، مايكامەن كەلە جاتقان ول الدىنان شىققان فورماداعى قىزمەتكەردىڭ ءبىرىن قولىمەن نۇقىپ جىبەرگەن. كەيىننەن تۇركىستان وبلىسى پوليتسيا دەپارتامەنتى ەتيكانى ساقتاماعان قازىعۇرت اۋداندىق پوليتسيا ءبولىمى باسشىسىنىڭ ورىنباسارىنا قاتىستى تەكسەرۋ باستالعانىن مالىمدەگەن بولاتىن.
زاڭ اياسىندا جۇرگىزىلگەن كوميسسيا وتىرىسىنىڭ قورىتىندىسى بويىنشا بەينەجازباداعى باسشىنىڭ ورىنباسارى قىزمەتتەن بوساتىلدى. سونىمەن قاتار قازىرگى تاڭدا اتالعان جايت بويىنشا قر قك- ءنىڭ «بيلىكتى نەمەسە لاۋازىمدىق وكىلەتتىكتەردى اسىرا پايدالانۋ» 362- بابىمەن سوتقا دەيىنگى تەرگەۋ جۇرگىزىلۋدە.
بۇل تۋرالى تۇركىستان وبلىسى پوليتسيا دەپارتامەنتىنىڭ باستىعى مۇرات قابدەنوۆ مالىمدەدى.
«الەۋمەتتىك جەلىدە جەلدەي ەسكەن پوليتسەيدىڭ ءىس-ارەكەتى جايلى جازبالار بويىنشا ءتيىستى شارالار قابىلدانىپ جاتقانىن بارشاڭىزعا جەتكىزگەن ەدىم. سول شارالاردىڭ باستاماسىمەن ءبولىسۋدى ءجون دەپ وتىرمىن. سەبەبى، ناقتى قولدانىلىپ جاتقان جۇمىستاردان سىزدەردىڭ حاباردار بولۋلارىڭىز پوليتسيانىڭ اشىقتىعىن بىلدىرەدى» - دەدى پوليتسيا گەنەرال-مايورى.