كەمە كاپيتانى يۆان پاۆلوۆتىڭ ايتۋىنشا، بالىقشىلار كاسپيي تەڭىزىنەن بالىق اۋلاپ كەلە جاتقان. كەمەگە 7 توننا بالىق تيەلگەن. جايىق وزەنىنە وتۋگە 6 شاقىرىمداي قالعاندا، سۋ كولىگى تاياز جەرگە تىرەلىپ قالعان. ونىڭ مۇز قۇرساۋىندا تۇرعانىنا 3 اپتا بولعان.
تەڭىز جاقتان قاتتى جەل سوقسا، سۋ كەلەتىن ەدى. ءبىز سونداي ءساتتى كۇتتىك. ويتكەنى، تاياز جەردەن شىعۋ مۇمكىن ەمەس. كۇن كۇرت سالقىنداپ، كەمەمىز مۇزدىڭ قۇرساۋىندا قالدى. ەندى كۇن سايىن تاڭەرتەڭ مۇزدى ويىپ ءجۇرمىز. سەبەبى، مۇز قالىڭدىعى ءارتۇرلى - ءبىر تۇندە 5 س م، كەيدە 3 س م بولادى. مۇز قالىڭداپ، كەمەنى قىساتىن بولسا، كورپۋسىن جارىپ جىبەرەدى، -
دەيدى يۆان پاۆلوۆ.
قازىر مۇز قۇرساۋىنداعى كەمەنى «امانگەلدى» ج ش س- ءنىڭ بالىقشىلارى كۇزەتۋگە كىرىستى. ويتكەنى، كۇن جىلىنعانعا دەيىن كەمەنى مۇز ورتاسىنان شىعارۋ مۇمكىن ەمەس. ماماندار كەمەنىڭ مۇز قۇرساۋىندا قالۋىن كانالدار ءتۇبىنىڭ تەرەڭدەتىلمەۋىمەن بايلانىستىرادى.
جايىق وزەنىندە تەرەڭدەتۋ جۇمىسىنا 7 ميلليارد، قيعاش وزەنى بويىنشا 11 ميلليارد تەڭگە قاجەت. وسى سۇرانىستى ءتيىستى ورگاندارعا، مينيسترلىككە جولدادىق، - دەيدى وبلىستىق بالىق شارۋاشىلىعى باسقارماسىنىڭ باسشىسى ارتۋر سادىبەك ۇلى.
ەسكە سالا كەتەلىك، بۇدان بۇرىن اتىراۋدىڭ رەسەيمەن شەكاراداعى اۋدانىندا كانالدار ءتۇبى قازىلىپ جاتقانىن حابارلاعان بولاتىنبىز.