قاراشىعاناق گازى «جايىق مۇناي» گاز زاۋىتىندا وڭدەلەتىن بولدى

بۇل تۋرالى ۇكىمەت وتىرىسىندا ق ر ەنەرگەتيكا ءمينيسترى بولات اقشولاقوۆ ايتتى، دەپ حابارلايدى قازاقپارات ءتىلشىسى.

«مەملەكەت باسشىسى 2029 -جىلعا قاراي تاۋارلىق گاز ءوندىرىسىنىڭ كولەمىن 30 ميلليارد تەكشە مەترگە دەيىن جەتكىزۋ مىندەتىن قويدى. قاشاعان كەن ورنىندا قۋاتى 1,1 ميلليارد تەكشە مەتر جانە 2 ميلليارد تەكشە مەتر ىلەسپە گازدى وڭدەۋ 2 زاۋىتى ىسكە قوسىلاتىن بولادى. بۇدان باسقا، 2023 -جىلى «جايىقمۇناي» گاز وڭدەۋ زاۋىتىندا قاراشىعاناق گازىن وڭدەۋ بويىنشا شەشىم قابىلدانادى. بۇل گازدى وڭدەۋدى 4 ميلليارد تەكشە مەترگە ۇلعايتۋعا مۇمكىندىك بەرەدى»، - دەدى ول.

مينيستر مەملەكەت باسشىسى قويعان ماڭىزدى ماسەلەلەردىڭ ءبىرى - حالىقتى گازبەن قامتاماسىز ەتۋ ەكەندىگىن باسا ايتتى.

«مينيسترلىك حالىقتى گازداندىرۋ دەڭگەيىن 2029 -جىلعا قاراي 65 پايىزعا دەيىن جەتكىزۋدى جوسپارلاپ وتىر. بۇل 12 ميلليون ادامدى تابيعي گازبەن قامتاماسىز ەتەدى»، - دەدى بولات اقشولاقوۆ.

اۆتور

مارلان جيەمباي