ليونەل مەسسي لوتار ماتتەۋستىڭ رەكوردىن قايتالادى
03:18, 14 - جەلتوقسان 2022
استانا. قازاقپارات - فۋتبولدان ارگەنتينا قۇراماسىنىڭ شابۋىلشىسى ليونەل مەسسي الەم چەمپيوناتى فينالدىق ساتىسىندا ويىن كورسەتۋ جونىنەن لوتار ماتتەۋستىڭ رەكوردىن قايتالادى، دەپ حابارلايدى قازاقپارات ءتىلشىسى.
ءدال قازىر 2022-جىلعى الەم چەمپيوناتى جارتىلاي فينالىندا ارگەنتينا جانە حورۆاتيا قۇرامالارى ويناپ، ارگەنتينا فينالعا جولداما الدى.
اتالعان ويىندا ليونەل مەسسي ۇلتتىق قۇراما ساپىندا اتالعان تۋرنيردىڭ فينالدىق ساتىسىندا 25 مارتە جاسىل الاڭعا شىقتى. وسىلايشا ول نەمىس فۋتبولشىسى لوتار ماتتەۋستىڭ كورسەتكىشىن قايتالادى.
بۇل جونىنەن ۇشتىكتى 24 ويىنمەن گەرمانيالىق تاعى ءبىر فۋتبولشى ميروسلاۆ كلوزە تۇيىندەپ تۇر.
ايتا كەتسەك، بۇدان بۇرىن حورۆاتيالىق قاقپاشى «باۆاريا» كومانداسىنا اۋىسۋى مۇمكىن ەكەنىن حابارلاعان ەدىك.