فورۋمعا قاتار، ساۋد ارابياسى، پاكىستان، شۆەيتساريا، بىرىككەن اراب امىرلىكتەرى جانە وزگە دە ەلدەردىڭ وكىلدەرى قاتىستى.
جيىنعا قاتىسۋشىلار IOFS- ءتىڭ يسلام الەمى ەلدەرىندەگى ازىق-تۇلىك قاۋىپسىزدىگى باعدارلامالارىن ۇيلەستىرەتىن نەگىزگى پلاتفورماعا اينالا باستاعانىن اتاپ ءوتتى.
فورۋم قوناقتارى قۇرىلعانىنا كوپ بولماعان ۇيىمنىڭ الەۋەتى زور ەكەنىن، الەمدە ازىق-تۇلىك داعدارىسى ءوسىپ كەلە جاتقاندىقتان جاھاندىق سىن-قاتەرلەردى شەشۋگە ۋاقتىلى جاۋاپ بەرەتىن مۇنداي ۇيىمنىڭ قاجەتتىگى ارتاتىنىن ءسوز ەتتى.
«ءۇش جىل ىشىندە ءبىزدىڭ ۇيىم 16 باعدارلامانى جولعا قويىپ، ىسكە اسىرىپ جاتىر. سونىمەن قاتار اۋىل شارۋاشىلىعى، بيوتەحنولوگيا، گەنەتيكالىق رەسۋرستار، رەزەرۆ استىق قورى سالاسىندا 50 گە جۋىق ءوزارا تۇسىنىستىك جونىندە مەموراندۋم جاسادى. پرەزيدەنت قاسىم-جومارت توقايەۆ ب ۇ ۇ باس اسسامبلەياسىندا وڭىردەگى سياقتى ازىق-تۇلىك قاۋىپسىزدىگىنە قول جەتكىزۋ ءۇشىن IOFS ارقىلى حالىقارالىق ۇيىمدارمەن ىنتىماقتاستىق ورناتۋدىڭ ماڭىزدى ەكەنىن ايتقان ەدى. ءبىز ۇيىمنىڭ ماقساتتارىن ودان ءارى ىسكە اسىرۋ جانە ازىق-تۇلىك قاۋىپسىزدىگى يدەياسىن ىلگەرىلەتۋ ءۇشىن بۇكىل كۇش-جىگەرىمىزدى سالامىز»، - دەدى جيىندا IOFS باس ديرەكتورى ەرلان بايداۋلەت.