بۇل تۋرالى ۇكىمەتتىڭ كەڭەيتىلگەن وتىرىسىندا مەملەكەت باسشىسى قاسىم-جومارت توقايەۆ ايتتى، دەپ حابارلايدى قازاقپارات ءتىلشىسى.
«سونىمەن بىرگە كۆازيمەملەكەتتىك سەكتوردا ءتارتىپ ورناتاتىن كەز كەلدى. كورپوراتيۆتىك باسقارۋدىڭ يكەمدى بولۋى - ويىڭا نە كەلسە، سونى ىستەۋ دەگەن ءسوز ەمەس. ازاماتتاردى قىزمەتكە تاعايىنداۋ بارىنشا اشىق جانە ءادىل بولۋعا ءتيىس. سەبەبى، بۇل - ەڭ الدىمەن، حالىققا تيەسىلى مەكەمەلەر»، - دەدى قاسىم-جومارت توقايەۆ.
مەملەكەت باسشىسى پرەزيدەنت اكىمشىلىگى مەملەكەتتىك جانە كۆازيمەملەكەتتىك سەكتورداعى تاعايىنداۋلاردى ۇنەمى باقىلاۋدا ۇستاپ وتىرۋى كەرەكتىگىن باسا ايتتى.
«جەكە ادامداردىڭ مۇددەسىن كوزدەيتىن كەز كەلگەن ارەكەتكە توسقاۋىل قويىلۋعا ءتيىس. مەملەكەتتىك قىزمەت ىستەرى اگەنتتىگى جەكە سەكتورداعى بىلىكتى مامانداردى مەملەكەتتىك قىزمەتكە تارتۋ ءۇشىن قولايلى جاعداي جاساۋى قاجەت. ەلىمىزدى وركەندەتەمىز دەسەك، ءبارىمىز ءبىر ەل بولىپ كۇش جۇمىلدىرۋىمىز كەرەك»، - دەدى پرەزيدەنت.