بۇل تۋرالى قازاقپارات ءتىلشىسى تاسس اگەنتتىگىنە سىلتەمە جاساپ حابارلايدى.
فيزيولوگيا جانە مەديتسينا بويىنشا شۆەد بيولوگى سۆانتە پەبۋ لاۋرەات اتاندى. ول «جويىلىپ كەتكەن گومينيدتەردىڭ گەنومى مەن ادام ەۆوليۋتسياسى سالاسىنداعى جاڭالىقتارى» ءۇشىن نوبەل سىيلىعىن يەلەندى.
ال فيزيكا باعىتىندا فرانسۋز الەن اسپە، امەريكالىق دجون كلاۋزەر مەن اۆستريالىق انتون تسايلينگەردىڭ جاڭالىعى ۇزدىك دەپ تانىلدى. ولار «شىرمالعان فوتوندارمەن جۇرگىزىلگەن تاجىريبەلەر، بەلل تەڭسىزدىگىنىڭ بۇزىلۋىن دالەلدەۋ جانە كۆانتتىق اقپارات تەورياسىنداعى وزىق زەرتتەۋلەر» ءۇشىن نوبەل سىيلىعىنىڭ لاۋرەاتى اتاندى.
حيميا بويىنشا اتالعان سىيلىقتى «كليك-حيميا جانە بيوورتوگونالدى حيميانى دامىتۋعا باعىتتالعان جۇمىستارى» ءۇشىن امەريكالىق كەرولاين بەرتوتستسي مەن بارري شارپلەسس جانە دات عالىمى مورتەن مەلدال يەلەندى.
سونىمەن بىرگە ادەبيەت باعىتىنداعى نوبەل سىيلىعىن فرانسۋز جازۋشىسى ەنني ەرنو الدى.
ەكونوميكا بويىنشا ا ق ش- تىڭ فەدەرالدىق رەزەرۆ جۇيەسىنىڭ بۇرىنعى باسشىسى بەن بەرنانكە جانە قوس امەريكالىق دۋگلاس دايموند پەن فيليپ ديبۆيگ لاۋرەات اتاندى. ولارعا سىيلىق «بانكتەر مەن قارجى داعدارىسىن زەرتتەۋ» جۇمىسى ءۇشىن بۇيىردى.