ق ر پرەزيدەنتى قاسىم- جومارت توقايەۆ جوعارى ەۋرازيالىق ەكونوميكالىق كەڭەستىڭ بىشكەكتەگى وتىرىسىندا وسىنداي پايىم ايتتى، دەپ حابارلايدى قازاقپارات ءتىلشىسى.
«ەكىنشى ماسەلە - حالىقارالىق ەكونوميكالىق ارىپتەستىكتى دامىتۋ. وداقتىڭ سىرتقى ساۋدا مۇددەسى جىل سايىن كەڭەيىپ كەلەدى. بۇل جاعىمدى تەندەنتسيا جانە قازاقستان بۇل باعىتتى قولدايدى. ەندى جەڭىلدىك كەلىسىمشارتتار بەكىتىلگەن ارىپتەستەر اراسىنداعى ءوزارا ارەكەتتەردىڭ ساپاسىن ارتتىرۋعا زەر سالۋ كەرەك. اڭگىمە ۆەتنام، سەربيا، يران ەلدەرى تۋرالى بولىپ وتىر»، - دەدى مەملەكەت باسشىسى.
قاسىم- جومارت توقايەۆ ءۇندىستان، ەگيپەت، يندونەزيا، يزرايل ەلدەرىمەن اراداعى ەركىن ساۋدا ايماعى تۋرالى كەلىسىمدەر جونىندەگى جۇمىستاردى دا جىلدامداتۋ كەرەكتىگىنە توقتالدى.
«قازاقستان بىرىككەن اراب امىرلىكتەرىمەن ەركىن ساۋدا ايماعى تۋرالى كەلىسسوزدىڭ باستالعانىن قۇپتايدى. بۇل باستامانى ايتارلىقتاي پەرسپەكتيۆالى جانە ەۋرازيالىق بەستىكتىڭ ءبارىنىڭ مۇددەسىنە ساي دەپ ەسەپتەيمىن. ەندى وسى ۇدەرىستى سوزىپ الماۋ ماڭىزدى»، - دەدى قاسىم- جومارت توقايەۆ.
ايتا كەتەيىك، مەملەكەت باسشىسى بىشكەكتە جوعارى ەۋرازيالىق ەكونوميكالىق كەڭەستىڭ وتىرىسىنا قاتىسىپ جاتىر. وداققا مۇشە ەلدەردىڭ باسشىلارى قازىر شاعىن قۇراممەن وتىرىس وتكىزۋدە.
بۇعان دەيىن پرەزيدەنت قاسىم- جومارت توقايەۆتىڭ جوعارى ەۋرازيالىق ەكونوميكالىق كەڭەسىنىڭ وتىرىسىنا قاتىسۋ ءۇشىن بىشكەك قالاسىنا جۇمىس ساپارىمەن بارعانى حابارلانعان ەدى.