بۇل تۋرالى بىشكەكتە ءوتىپ جاتقان جوعارى ەۋرازيالىق ەكونوميكالىق كەڭەس وتىرىسىندا ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.
«2020 -جىلى ەۋرازيالىق ەكونوميكالىق ينتەگراتسيانىڭ 2025 -جىلعا دەيىنگى دامۋ ستراتەگياسىن قابىلدادىق. بۇگىندە ە ا ە و- عا مۇشە ەلدەردىڭ ۇكىمەتتەرى كوميسسيامەن بىرلەسىپ، ونى جۇزەگە اسىرىپ كەلەدى. ارينە، بۇل پروتسەسس باستاپقىدا ويلاعانداي تەز ءجۇرىپ جاتقان جوق. مۇنىڭ وبەكتيۆتى سەبەپتەرى بار. جەكەلەگەن ماسەلەلەر تاراپتار ءۇشىن وتە وزەكتى»، - دەدى مەملەكەت باسشىسى.
ق ر پرەزيدەنتى پراگماتيزم جانە ءاربىر قادامنىڭ جان- جاقتى پىسىقتالۋى جوسپارلانعان مەرزىمدە جۇزەگە اسىرۋعا دەگەن ۇمتىلىستان باسىم بولۋى كەرەكتىگىن اتاپ ءوتتى.
«ستراتەگيانى بارلىق مۇشە مەملەكەتتەردىڭ ۇلتتىق مۇددەسىن تولىق ەسكەرە وتىرىپ، كەزەڭ- كەزەڭىمەن جۇزەگە اسىرۋ - ەڭ دۇرىس ءتاسىل. ە ا ە و- نى دامىتۋدىڭ جاڭا ستراتەگياسىن ازىرلەۋدىڭ قاجەتتىلى جوق دەپ ەسەپتەيمىز. مۇنىڭ ۇستىنە ۇلتتىق ۇكىمەتتەردىڭ قۇقىقتارىن شەكتەۋ قاجەتتىلىگى دە جوق»، - دەدى قاسىم- جومارت توقايەۆ.