استانادا باستاۋىش سىنىپ وقۋشىلارى بۇگىن دە قاشىقتان وقيدى

استانا. قازاقپارات - ەلوردا مەكتەپتەرىنىڭ ءبىرىنشى اۋىسىمىنداعى 0-4-سىنىپ وقۋشىلارى 9-جەلتوقساندا قاشىقتىقتان ءبىلىم الادى، دەپ حابارلايدى قازاقپارات استانا قالاسى ءبىلىم باسقارماسىنىڭ باسپا ءسوز قىزمەتىنە سىلتەمە جاساپ.

«2022 -جىلدىڭ 9-جەلتوقسانىندا اۋا رايىنىڭ ناشارلاۋىنا بايلانىستى ءبىرىنشى اۋىسىمنىڭ 0-4-سىنىپ وقۋشىلارى قاشىقتىقتان وقىتۋ فورماتىنا كوشەدى»، - دەلىنگەن ۆەدومستۆو حابارلاماسىندا.

سونداي-اق باسقارما استاناداعى مەكتەپتەردە 0-11-سىنىپتار مەن كوللەدجدەردىڭ 1-2 كۋرس ستۋدەنتتەرىنىڭ ءبىرىنشى اۋىسىمداعى ساباقتارىنىڭ توقتاتىلاتىنى تۋرالى جەلىدە تاراعان اقپاراتتىڭ جالعان ەكەنىن مالىمدەدى.

بۇعان دەيىن حابارلاعانىمىزداي، 8-جەلتوقساندا ايازعا بايلانىستى رەسپۋبليكانىڭ بىرنەشە وبلىسىنداعى مەكتەپتەردە ساباق ونلاين فورماتقا كوشىرىلدى.