دەپۋتات پرەمەر- مينيستر ءاليحان سمايلوۆتىڭ اتىنا جولداعان دەپۋتاتتىق ساۋالىندا ەلىمىزدەگى تەمىرجولدىڭ پروبلەمالارى تۋرالى ايتىپ، ولاردى شەشۋ جولدارىن ۇسىندى، دەپ حابارلايدى قازاقپارات ءتىلشىسى.
سەناتوردىڭ ايتۋىنشا، بۇگىنگى تاڭدا «جولاۋشىلار تاسىمالى» ا ق جىلجىمالى قۇرام پاركىندە 2228 ۆاگون بار، ولاردىڭ 35 پايىزىنىڭ پايدالانۋعا بەرىلگەنىنە 28 -جىلدان اسىپ كەتكەن. تالگو ۆاگوندارىن ەسەپتەمەگەندە، جولاۋشىلار ۆاگوندارى ورتاشا ەسەپپەن c عا، ال لوكوموتيۆتەر g عا توزعان.
ب. قانيەۆ ءوزىنىڭ دەپۋتاتتىق ساۋالىندا ىشكى جۇك تاسىمالىنىڭ قىمباتتىعى ماسەلەسىن دە كوتەردى. ول تاۋارلاردىڭ تۇپكى قۇنىن ارتتىرۋعا ىقپال ەتەدى. اتاپ ايتقاندا، «ق ت ج» ا ق مەنشىگىندە جۇكتى تيەۋ- تۇسىرۋگە ارنالعان 170 ارنايى ورىن بار، ال ولاردىڭ جەكە مەنشىكتەگى سانى 3600 دەن اسادى.
سەناتوردىڭ پىكىرىنشە، ول جەردەگى تاريفتەردىڭ باقىلاۋسىزدىعى مەن الىپساتارلىق ارەكەتتەر تەمىرجول جۇكتەرى باعاسىنىڭ ايتارلىقتاي قىمباتتاۋىنا اكەلىپ وتىر.
«تەمىرجول تاسىمالىنىڭ الەۋمەتتىك- ەكونوميكالىق ماڭىزى مەن ترانزيتتىك الەۋەتىن ەسكەرە كەلگەندە، «قازاقستان تەمىر جولى» ا ق تۇبەگەيلى رەفورمالاردى قاجەت ەتەدى. وسى ماسەلەلەردى شەشۋدى، ەڭ الدىمەن، سالانىڭ تاجىريبەلى ماماندارىن باسشىلىق لاۋازىمدارعا تاعايىنداۋدان باستاعان ءجون دەپ سانايمىز. ەلىمىزدە مەملەكەتتىك اكتيۆتەردى جەكەشەلەندىرۋ سالدارىنان بولعان جاعىمسىز جاعدايلاردى ەسكەرە وتىرىپ، جەكەشەلەندىرىلگەن جۇك تيەۋ ورىندارىن، باگاج بولىمشەلەرىن «قازاقستان تەمىر جولى» ا ق مەنشىگىنە قايتارۋ قاجەت»، - دەدى دەپۋتات.