قار ۇستىندە اياڭداعان جانۋاردىڭ ۆيدەوسى ۇلتتىق پاركتىڭ Instagram-پاراقشاسىندا جاريالاندى.
«ۇلتتىق پارك اۋماعىن ءىلبىس بۇرىننان مەكەن ەتەتىنى بەلگىلى. وسىعان وراي بىلتىردان بەرى ۇلتتىق پاركتىڭ عىلىمي زەرتتەۋ قىزمەتكەرى مەن اقساي فيليالىنىڭ اڭتانۋشى- بيولوگ مامانى اقساي فيليالىندا زەرتتەۋ جۇمىستارىن جۇرگىزىپ كەلەدى. ۇلتتىق پارك پەن زوولوگيا ينستيتۋتى اراسىندا عىلىمي ارىپتەستىك كەلىسىمشارتى نەگىزىندە جۇمىستار اتقارىلادى. اقساي سايىندا ادامدارعا جاقىن مەكەندەپ جۇرگەن ءىلبىس (بارىس) مەملەكەتتىك ينسپەكتورلاردىڭ قاداعالاۋىندا»، - دەلىنگەن جازبادا.
بۇعان دەيىن تەريولوگيا زەرتحاناسىنىڭ مەڭگەرۋشىسى، زوولوگيا ينستيتۋتىنىڭ قار بارىسى مونيتورينگ ورتالىعىنىڭ باسشىسى الەكسەي گراچەۆ ىلە الاتاۋىندا ءومىر سۇرەتىن 40 قار بارىسىنىڭ 23 ى الماتىدان 30 شاقىرىم جەردە، بەسەۋى قالانىڭ بوستاندىق جانە مەدەۋ اۋداندارىنىڭ اۋماعىندا مەكەندەيتىنىن ايتقان ەدى.