بيىل گۋگلدەن ەڭ كوپ ىزدەلگەن ساۋالدار ءتىزىمى جاريالاندى
10:35, 08 - جەلتوقسان 2022
استانا. قازاقپارت - Google بۇكىل الەم بويىنشا 2022 -جىلى قولدانۋشىلار سۇرانىسىن ساراپقا سالىپ، Year In Search - 2022 ءتىزىمىن جاريالادى.
ستاتيستيكا امەريكالىق كورپوراتسيا سايتىندا جاريالاندى.
ەڭ كوپ ىزدەلگەن ءسوز - Wordle. بۇدان كەيىن «ءۇندىستان مەن ۇلى بريتانيا»، «ۋكراينا»، «ەليزاۆەتا پاتشايىم»، بەستىكتىڭ اياعىندا «ءۇندىستان مەن وڭتۇستىك افريكا ماتچى» تۇر.
ەڭ كوپ سۇرانىسقا يە بولعان جاڭالىق - «ۋكراينا»، «ەليزاۆەتا پاتشايىمنىڭ ءولىمى»، «سايلاۋ قورىتىندىلارى»، Powerball وينىنداعى ساندار، تاعى ءبىر ۆيرۋستىڭ ءتۇرى - Monkeypox.
ەڭ كوپ ىزدەلگەن ادامدار تىزىمىندە دجوني دەپپ، ۋيلل سميت، ەمبەر حەرد، ۆلاديمير پۋتين مەن كريس روك بار.
الەم بويىنشا كوپ ىزدەلگەن فيلمدەر: «تور: ماحاببات پەن نايزاعاي»، «قارا ادام»، «توپ گان: مەۆەريك»، «بەتمەن»، «ەنكانتو».
وكىنىشكە قاراي، قازاقستان بويىنشا ەڭ كوپ ىزدەلگەن ساۋالداردى كورۋ مۇمكىن ەمەس.
ماسساگەت