قازىرگى تاڭدا فرانسيادا گريپ، COVID-19 جانە برونحيتكە شالدىققاندار سانى كۇن ساناپ ارتىپ كەلەدى. اسىرەسە بالالاردىڭ ناۋقاستانۋى جيىلەدى. ۆاكسيناتسيا دەڭگەيى تومەن بولعاندىقتان، قازىر ەلدىڭ دەنساۋلىق ساقتاۋ جۇيەسىنە جۇكتەمە ءتۇسىپ وتىر.
فرانسيا بيلىگى اتالعان ءۇش ەپيدەميا اياسىندا جانە روجدەستۆولىق دەمالىس الدىندا ۇمىتىلا باستاعان قورعانۋ شارالارىنا قايتا ورالۋعا شاقىردى. كەرى جاعدايدا شەكتەۋ شارالارى مىندەتتەلەتىنىن ەسكەرتتى.
ال فرانسۋزدار كوروناۆيرۋس پاندەمياسى كەزىندەگى كارانتيننەن شارشاپ، اتالعان ۆيرۋسپەن ءومىر ءسۇرۋدى ۇيرەنبەك.
«الەۋمەتتىك قاشىقتىق، ۆاكسيناتسيا - بۇل تاۋەكەلگە اناعۇرلىم وسال ناۋقاستار ءۇشىن، بۇگىن مەن وسىندا، فوش اۋرۋحاناسىندا كەزدەسكەن ادامدار ءۇشىن جەكە قورعانىس شاراسى. بۇل سونداي- اق ۇجىمدىق جاۋاپكەرشىلىك. ءبىزدىڭ دەنساۋلىق ساقتاۋ جۇيەسى ۇلكەن قىسىممەن بەتپە- بەت كەلىپ وتىر، بۇل قالالىق مەديتسينا بولسىن، اۋرۋحانالار بولسىن. قازىرگى قىسىلتاياڭ جاعدايدا ءۇش ەپيدەميا - برونحيوليت، گريپ جانە كوۆيد - جۇيەگە قاۋىپ ءتوندىرىپ تۇر. ەگەر جۇيە ونىمەن كۇرەسە الماسا، بارلىق ناۋقاستار قيىن جاعدايدا قالادى»، - دەدى فرانسيانىڭ دەنساۋلىق ساقتاۋ ءمينيسترى فرانسۋا برون.
اۆتور
اقبوپە ءابدراسۋل