بريفينگ بارىسىندا ب ا ق وكىلدەرى باعدات ورالعا «4-جەلتوقساندا دەنەسى تابىلعان «ەكىباستۇزجىلۋەنەرگو» قىزمەتكەرى سول كۇنى جۇمىستا بولدى ما؟» دەگەن سۇراق قويدى.
«قايتىس بولعان قىزمەتكەر ول كۇنى جۇمىس ورنىندا بولعان جوق. ول دەمالىستا بولعان»، - دەپ جاۋاپ بەردى «ورتالىق ازيا ەلەكتر ەنەرگەتيكالىق كورپوراتسياسى» ا ق باسقارما ءتوراعاسى باعدات ورال.
ەسكە سالا كەتەيىك، بۇعان دەيىن ەكىباستۇزداعى ج ە و ۋچاسكە باستىعىنىڭ دەنەسى گاراجدان تابىلعانىن حابارلاعان ەدىك.
الدىن الا بولجام بويىنشا، ەر ادام ايەلىمەن بولعان جانجالدان سوڭ گاراجعا كەتىپ، سوندا كولىگىن وتالدىرعان. كەيىن ول ۇيىقتاپ قالىپ، گازدان ۋلانىپ قالعان بولۋى مۇمكىن.
بۇل وقيعاعا تۇسىنىك بەرگەن پاۆلودار وبلىسىنىڭ پوليتسيا دەپارتامەنتى سوتقا دەيىنگى تەرگەپ- تەكسەرۋ باستالعانىن ءمالىم ەتتى.
قۇزىرلى ورگان دەرەگىنشە، قايعىلى جاعداي مارقۇمنىڭ قىزمەتىنە بايلانىستى ەمەس.