قاراعاندى قالاسىن باسقان قويۋ تۇمان ەكىنشى كۇن بولدى سەيىلەر ەمەس. كۇردەلى مەتەورولوگيالىق جاعدايدى ەكولوگتەر كۇن تىمىق تۇرۋىمەن بايلانىستىرادى. ونىڭ ۇستىنە سوڭعى كۇندەرى وڭىردە اياز كۇشەيىپ، جەكە سەكتورداعى ۇيلەر پەش جاعۋىن جيىلەتكەن. ءتۇنى بويى كولىكتەرىن قىزدىراتىن تۇرعىندار دا كوبەيگەن. ناتيجەسىندە قالا ورتالىعىن ءتۇتىن الىپ كەتتى.
قازىر تابيعات جاناشىرلارى قورشاعان ورتاعا تارالىپ جاتقان ءتۇتىننىڭ قۇرامىن انىقتاپ جاتىر.
«ءبىز نەگىزىنەن اۋاعا تارالاتىن شاڭ- توزاڭ مەن كۇيەنىڭ مولشەرىن انىقتايمىز. قازىر ماماندارىمىز قالانىڭ 6 نۇكتەسىندە اۋا سىناماسىن الىپ جاتىر. ناتيجەسىن قوسىمشا حابارلايمىز»، - دەپ ءتۇسىندىردى قاراعاندى وبلىسىنىڭ ەكولوگيا دەپارتامەنتى باسشىسىنىڭ ورىنباسارى دارحان ەسجانوۆ.