الەۋمەتتىك جەلىدە تاراعان ۆيدەودان شىمكەنت كوشەلەرىندە قار جاۋىپ تۇرعاندا اسفالت توسەۋ جۇمىستارىنىڭ ءجۇرىپ جاتقانىن كورۋگە بولادى.
«بىزدە شىمكەنتتە قار جاۋىپ جاتىر. بۇل رىسقۇلوۆ پەن دۋلاتي كوشەسىنىڭ قيىلىسى»، - دەيدى ۆيدەو اۆتورى.
Instagram-عا ورنالاستىرىلعان ۆيدەوعا وقىرماندار دا ءتۇرلى پىكىر جازىپ جاتىر. ولاردىڭ اراسىندا «وسىنى قابىلداپ الاتىن مەكەمەلەردىڭ دە سازايىن بەرۋ كەرەك»، «بۇل جولدىڭ ساپاسى قۇريدى»، «جازدا نە ىستەگەن، اسفالت توسەمەي؟ ەندى نە بولادى بۇل، اسفالت؟ كوكتەمدە كۇن جىلىنعاندا، شاشىلىپ قالادى عوي. قايران، قار بولىپ ەرىپ كەتكەن، حالىقتىڭ اقشاسىن-اي. سۇراۋى جوق قوي» دەگەن كوممەنتاريلەر بار.
ال، اتالعان ماسەلەگە جاۋاپ بەرگەن شىمكەنت قالاسىنىڭ جولاۋشىلار كولىگى جانە اۆتوموبيل جولدارى باسقارماسىنىڭ ماماندارى جول جوندەۋ جۇمىستارى تولىعىمەن باقىلاۋدا ەكەندىگىن جەتكىزدى.
«بايدىبەك ءبي داڭعىلىندا جول جابىنىن ورتاشا جوندەۋ بويىنشا جۇمىستار جۇرگىزىلۋدە. تەگىستەۋ قاباتىن توسەۋ جۇمىستارى كۇندىزگى ۋاقىتتا باستالىپ، ساعات 18:00 گە دەيىن اياقتالدى. ودان ءارى اسفالتبەتوندى جول روليكتەرىمەن ءجۇرىپ ءوتۋ جۇمىستارى جۇرگىزىلدى»، - دەلىنگەن جازبادا.
سونداي-اق، اسفالتبەتون قوسپالارىنىڭ نورماتيۆتىك تەمپەراتۋراسىن ساقتاي وتىرىپ جۇرگىزىلگەندىگىن ايتقان باسقارما ماماندارى الداعى ۋاقىتتا توسەلگەن اسفالتبەتوننىڭ تىعىزدىعىنا زەرتحانالىق سىناقتار جۇرگىزىلەتىندىگىن جەتكىزدى.