«ۇلتتىق بانك كوميتەتىنىڭ بۇگىنگى جيىنىندا بازالىق مولشەرلەمەنى تومەندەتۋ نەمەسە قازىرگى كۇيىندە قالدىرۋ ماسەلەسى تالقىلاندى ما؟ بازالىق مولشەرلەمە بويىنشا باسقا قانداي نۇسقالار ۇسىنىلدى؟»، - دەپ سۇرادى ب ا ق بريفينگىدە.
عالىمجان ءپىرماتوۆ تالقىلاۋ كەزىندە بازالىق مولشەرلەمەنى قازىرگىدەن نەشە پۋنكتىگە كوتەرۋ كەرەك دەگەن سۇراق قانا قارالعانىن ءتۇسىندىردى.
«بۇگىنگى تالقىلاۋ كەزىندە بازالىق مولشەرلەمەنى تومەندەتۋ ماسەلەسى مۇلدە تالقىلانعان جوق. مولشەرلەمەنى قازىرگى دەڭگەيىندە، ياعني، 16 پايىز كۇيىندە قالدىرۋ نۇسقاسى دا تالقىلانعان جوق. كوميتەتتىڭ مۇشەلەرىنىڭ ءبارى مولشەرلەمەنى كوتەرۋ كەرەكتىگىن ايتتى. نەگىزگى اڭگىمە نەشە پايىز مولشەرىندە كوتەرۋ كەرەكتىگى اينالاسىندا ءوربىدى. بۇكىل دەرەكتەردى ەسكەرىپ، بولجامداۋ كەزەڭىنىڭ قورىتىندىلارىن ەسكەرىپ، كوميتەت 16,75 پايىز مولشەرى دۇرىس بولادى دەگەن شەشىم قابىلداندى»، - دەدى ۇلتتىق بانك باسشىسى.
ەسكە سالساق، بۇگىن ۇلتتىق بانك بازالىق مولشەرلەمەنىڭ دەڭگەيىن 16,75 پايىز دەپ بەلگىلەگەن بولاتىن.