«كەلەسى جىلى ەڭ تومەنگى جالاقى 70 مىڭ تەڭگەگە دەيىن وسەدى. بۇگىن ۇلتتىق ستاتيستيكا بيۋروسى قازاقستاندىقتاردىڭ عا جۋىعى 45-150 مىڭ تەڭگە ارالىعىندا تابىس تاباتىنىن مالىمدەدى. قازاقستاندىقتار 70 مىڭ تەڭگەگە قالاي ءومىر سۇرەدى؟» ، - دەپ سۇرادى جۋرناليستەر ماجىلىستەگى ۇكىمەت ساعاتىنان كەيىن.
ەڭبەك ءمينيسترىنىڭ ايتۋىنشا، 70 مىڭ تەڭگە - ەش بىلىكتىلىگى جوق قىزمەتكەر ءۇشىن ەڭ تومەنگى جالاقى. سونداي- اق، ت. دۇيسەنوۆا حالىقتىڭ تابىسىن ارتتىرۋ ماقساتىندا تاعى قانداي شارالار قابىلدانىپ جاتقانىن ءتۇسىندىردى.
«بيۋدجەتتىك ۇيىمداردىڭ بارلىق جالاقىسى ءوسىپ جاتىر. ءبىلىم بەرۋ ۇيىمدارىنان باستاپ كەلەسى جىلعا قاراي ەكى ەسە، دەنساۋلىق ساقتاۋ سالاسىندا - 2024 -جىلعا قاراي، الەۋمەتتىك قامسىزداندىرۋ سالاسىندا - 2025 -جىلعا قاراي جالاقى ەكى ەسەگە ارتادى. كومپانيالارمەن جۇمىس ءجۇرىپ جاتىر، ءتيىستى مەموراندۋم بار - ورتا ەسەپپەن جالاقى 20 دان 0 عا دەيىن كوبەيتىلدى. ەڭ تومەنگى جالاقى مولشەرى ەكونوميكاعا، ورتاشا ايلىق جالاقىعا اسەر ەتۋى كەرەك»، - دەدى تامارا دۇيسەنوۆا.
مينيستر ءدال قازىر بارلىق جالاقى كوتەرىلىپ، ەۋروپاداعىداي بولادى دەپ ايتۋ مۇمكىن ەمەستىگىن جەتكىزدى.
«ءبىراق جالاقى كەزەڭ- كەزەڭىمەن كوتەرىلەدى. كەلەسى جىلى جالاقى ارتا باستايدى. وتكەن جىلى قانداي جالاقى بولعانىن جانە ءقازىر ورتاشا جالاقى قانداي ەكەنىن سالىستىرىڭىزدار. بىلتىر 70 مىڭ تەڭگە العان ادام مەملەكەتتىك كاسىپورىندا جۇمىس ىستەسە، كەلەسى جىلى جانە الداعى ءۇش جىلدا جالاقى 25 تەن 5 عا دەيىن كوتەرىلەدى. ەگەر بۇل جەكە سەكتور بولسا، وندا الەۋمەتتىك ارىپتەستىك اياسىندا بىرلەسكەن جۇمىس جۇرگىزىلەدى»، - دەپ ءتۇسىندىردى ەڭبەك ءمينيسترى.