5-جەلتوقساننان باستاپ بەيجىڭ بيلىگى قوعامدىق كولىكتى پايدالانۋ كەزىندە كوروناۆيرۋس تەستىلەرىن تەكسەرۋ تالابىنان باس تارتۋعا شەشىم قابىلدادى. جولاۋشىلار تاسىمالى ساياساتىن تۇزەتكەن مەگاپوليستەردىڭ اراسىندا چىڭدۋ، تيانجين، دالياڭ، شيجياجۋاڭ جانە شىنجىن قالالارى بار.
سوڭعى كۇندەرى قىتايدىڭ وڭتۇستىگىندەگى گۋاڭجوۋ قالاسىندا كوۆيدتىك شەكتەۋلەر جەڭىلدەگەن. وندا قوعامدىق ورىندارعا كىرۋ ءۇشىن COVID-19 تەستىلەرىن كورسەتۋ تالاپتارى جويىلعان، ساۋدا ورتالىقتارى مەن تاماقتانۋ ورىندارىنىڭ جۇمىسى قايتا جاندانعان، كوروناۆيرۋس جۇقتىرعاندارمەن جاقىن بايلانىستا بولعاندار ءۇشىن شارتتى تۇردە ءۇي كارانتينىنە رۇقسات ەتىلگەن.
قىتاي استاناسىنىڭ تۇرعىندارىنا سوڭعى 48 ساعات ىشىندە جاسالعان تەرىس ناتيجەسى بار كوروناۆيرۋس تەستىسىن كورسەتپەستەن، قوعامدىق كولىكپەن جۇرۋگە رۇقسات ەتىلەدى، ال اۋرۋحانالاردىڭ پ ت ر تەستىسى جوق ناۋقاستاردى ەمدەۋدەن باس تارتۋىنا تىيىم سالىندى.
ق ح ر دەنساۋلىق ساقتاۋ ىستەرى جونىندەگى مەملەكەتتىك كوميتەتىنىڭ مالىمەتىنشە، وتكەن تاۋلىكتە ماتەريكتىك قىتايدا كوروناۆيرۋس جۇقتىرۋدىڭ 31,8 مىڭ جاڭا جاعدايى انىقتالعان.