ول بۇل تۋرالى Facebook-تەگى پاراقشاسىندا جازدى دەپ حابارلادى turkystan.kz.
«پاۆلودار وبلىسىنىڭ ەكس-اكىمى ءابىلقايىر ىسقاقوۆتىڭ ورنىنا كەلگەن ولەگ كرۋك بۇرىن «پاۆلودارەنەرگو» مەن «پاۆلودار جىلۋ جەلىسى» ا ق-نىڭ ديرەكتورى بولعان. ال، بۇل ەكى كومپانيا دا الەكساندر كلەبانوۆ باسقاراتىن «س ا ت ە ك» ا ق-عا تيەسىلى.
ودان بولەك، ولەگ كرۋك اكىمنىڭ ءبىرىنشى ورىنباسارى بولعاندا، ءوڭىردى جىلىتۋ ماۋسىمىنا دايىنداۋ جۇمىستارىنا جەتەكشىلىك ەتكەن. ول ەندى تىكەلەي قۇزىرەتىنە قاراعان جىلىتۋ ماسەلەسىن شەشە الماعانىمەن قويماي، اكىمنىڭ قىزمەتىن ۋاقىتشا اتقاراتىن بولدى.
دەمەك، ولەگ - مۇزدى شاھارعا اينالعان ەكىباستۇزداعى اپاتقا تىكەلەي جاۋاپتىلاردىڭ ءبىرى. وسىندايدا «ايران ىشكەن قۇتىلادى، شەلەك جالاعان تۇتىلادى» دەگەن ماتەل ەسكە تۇسەدى»، - دەدى ول.
ايتا كەتەيىك، كەشە مەملەكەت باسشىسىنىڭ جارلىعىمەن ولەگ كرۋك پاۆلودار وبلىسىنىڭ اكىمىنىڭ ۋاقىتشا مىندەتىن اتقارۋشى بولىپ تاعايىندالدى.
ولەگ كرۋك 1967 -جىلى تۋعان، پاۆلودار يندۋستريالدىق ينستيتۋتىن بىتىرگەن. ونەركاسىپتىك جىلۋ ەنەرگەتيكاسى ينجەنەرى بىلىكتىلىگى بار. پاۆلودار وبلىستىق ءماسليحاتىنىڭ Ⅵ شاقىرىلىم دەپۋتاتى بولعان.
ەڭبەك جولىن پاۆلودار ءۇشىنشى جىلۋ ەلەكتر ورتالىعىندا (ج ە و) مونتەر بولىپ باستادى. ۇزاق جىلدار بويى پاۆلودار قالاسىنىڭ تىرشىلىكتى قامتاماسىز ەتۋ كاسىپورىندارىندا جۇمىس ىستەدى.
2007 -جىلى پاۆلودار وبلىسىنىڭ ەنەرگەتيكا جانە كوممۋنالدىق شارۋاشىلىق دەپارتامەنتىن باسقارعان.
2008 -جىلدان 2012 -جىلعا دەيىن پاۆلودار قالاسى اكىمىنىڭ ورىنباسارى قىزمەتىن اتقاردى. وسى لاۋازىمدا تۇرعىن ءۇي- كوممۋنالدىق شارۋاشىلىق، ەنەرگەتيكا، قۇرىلىس جانە كولىكتىك ينفراقۇرىلىم ماسەلەلەرىنە جەتەكشىلىك ەتتى.
كەيىنگى جىلدارى «قازەنەرگوكابەل» اكسيونەرلىك قوعامىنىڭ باس ديرەكتورى، پاۆلودار وبلىسى كاسىپكەرلەر پالاتاسىنىڭ ديرەكتورى بولىپ جۇمىس ىستەدى.
وسىعان دەيىن پاۆلودار وبلىسى اكىمىنىڭ ءبىرىنشى ورىنباسارى قىزمەتىن اتقاردى.