قازاقستاننىڭ ءتورت وڭىرىندە ءبىرىنشى اۋىسىم وقۋشىلارى قاشىقتان وقيدى

استانا ءبىلىم باسقارماسى 2-جەلتوقسان كۇنى اۋا رايىنىڭ قولايسىزدىعىنا بايلانىستى ءبىرىنشى اۋىسىمنىڭ 0-4-سىنىپ وقۋشىلارى ساباققا ۇيدەن قوسىلاتىنىن حابارلادى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، اۋا رايى قولايسىزدىعىنا، ناقتى ايتقاندا ايازعا بايلانىستى بىرنەشە اۋداندا وقۋشىلار قاشىقتان وقيدى.

«اتاپ ايتقاندا، التاي اۋدانىندا ءبىرىنشى اۋىسىمداعى 0-4-سىنىپ، گلۋبوكوە اۋداندانى مەن ريددەر قالاسىندا 0-9-سىنىپ وقۋشىلارى مەكتەپكە بارمايدى. قالعان قالا، اۋدانداردا ساباق ءداستۇرلى فورماتتا وتەدى»، - دەپ حابارلادى ۆەدومستۆو وكىلدەرى.

اباي وبلىسى اكىمدىگىنىڭ دەرەگىنشە، سەمەي قالاسىندا 1-4-سىنىپ وقۋشىلارى، بەسقاراعاي، بورودۋليحا اۋداندارىندا 1-9-سىنىپتار قاشىقتان وقيدى.

سونداي-اق كۋرچاتوۆ قالاسىنىڭ مەكتەپتەرىندە 1-4-سىنىپ جانە دايارلىق توپ وقۋشىلارى مەكتەپكە بارمايدى.

قوستاناي وبلىسىنىڭ امانگەلدى جانە جانگەلدى اۋدانىندارىندا دا 0-4-سىنىپتار ءبىرىنشى اۋىسىمدا ونلاين وقىتۋ فورماتىنا كوشىرىلدى.