ىزدەۋ جۇمىستارى بايزاق اۋدانىنداعى وق-ءدارى قويمالارىنداعى ءورت پەن جارىلىستاردان كەيىن 2021 -جىلعى 26-تامىزدان باستاپ جۇرگىزىلدى.
سۇيەك قالدىقتارىن ءبولىمنىڭ اسكەري قىزمەتشىلەرى ىزدەۋ جۇمىستارى بارىسىندا تاپتى.
مولەكۋليارلىق- گەنەتيكالىق ساراپتاما ونىڭ باۋىرجان داۋىتبايەۆقا تيەسىلى ەكەنىن كورسەتتى.
جوعالعان اسكەري قىزمەتكەردىڭ سۇيەگىنىڭ قالدىقتارى مەن قانداس تۋىستارىنىڭ د ن ك تالداۋلارى تولىعىمەن سايكەس كەلدى.
قولدانىستاعى زاڭناماعا سايكەس مارقۇمنىڭ وتباسىنا جەرلەۋ شىعىندارى، اتقاراتىن لاۋازىمى بويىنشا بەس جىلدىق اقشالاي قاراجات مولشەرىندە ءبىرجولعى وتەماقى تولەنەدى.
سونداي-اق تۇرعىن ءۇي ساتىپ الۋ ءۇشىن تولەم قاراستىرىلعان.
ونىڭ مولشەرى اسكەري قىزمەتشى قىزمەت ەتكەن ايماققا جانە وتباسى مۇشەلەرىنىڭ سانىنا بايلانىستى.
سونىمەن قاتار، مارقۇمنىڭ بالالارىن وقىتۋعا جانە جۇمىسقا ورنالاستىرۋعا، سونداي-اق باسقا دا ماسەلەلەردى شەشۋگە كومەك كورسەتىلەدى.
قارۋلى كۇشتەردىڭ جەكە قۇرامى ورنى تولماس شىعىنعا بايلانىستى مارقۇمنىڭ جاقىندارىنا قايعىرىپ كوڭىل ايتادى.
ەستەرىڭىزگە سالا كەتسەك، وتكەن جىلى 26-تامىزدا ساعات شامامەن 19:00-دە جامبىل وبلىسىنىڭ بايزاق اۋدانىندا ورنالاسقان اسكەري ءبولىم قويمالارىنىڭ بىرىنەن ءورت شىعىپ، جويقىن جارىلىس بولدى.
سوڭعى مالىمەت بويىنشا، جامبىل وبلىسىنداعى جارىلىستان 15 ادام قازا تاپقان.
ق ر پرەزيدەنتى قاسىم-جومارت توقايەۆ 29-تامىزدى جالپىۇلتتىق ازا تۇتۋ كۇنى دەپ جاريالادى.
27-تامىزدا مەملەكەت باسشىسى قاسىم- جومارت توقايەۆ اتالمىش توتەنشە جاعداي بويىنشا شۇعىل جينالىس وتكىزىپ، ۆەدومستۆوارالىق مەملەكەتتىك كوميسسيا قۇرۋدى تاپسىردى.
سونداي-اق، ول باس پروكۋراتۋرا مەن ىشكى ىستەر مينيسترلىگىنە جامبىل وبلىسىنداعى وقىس وقيعانىڭ ءمان-جايىن جانە كىنالىلەردى انىقتاۋ ءۇشىن سوتقا دەيىنگى تەرگەۋ امالدارىن مۇقيات جۇرگىزۋدى جۇكتەدى.