وسكەمەندە باستاۋىش سىنىپ وقۋشىلارى ونلاين فورماتتا وقيدى

وسكەمەن. قازاقپارات - وسكەمەن قالاسىندا 1-4-سىنىپ وقۋشىلارى قاشىقتان ءبىلىم الادى، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، وسكەمەندە ايازدىڭ بەتى ءالى قايتقان جوق. 1-جەلتوقسان كۇنى تاڭەرتەڭ اۋا تەمپەراتۋراسى 28 گرادۋسقا دەيىن تومەندەيدى دەپ كۇتىلۋدە.

«سوعان وراي قالا مەكتەپتەرىندەگى ءبىرىنشى اۋىسىمداعى 1-4-سىنىپ وقۋشىلارى ءۇشىن ساباق قاشىقتان وتەدى. وزگە اۋدانداردا وقۋشىلاردىڭ قالاي وقيتىنى تۋرالى اقپارات ەرتەڭ تاڭعى ۋاقىتتا جاريا ەتىلەدى»، - دەلىنگەن حابارلامادا

ەسكە سالساق، بۇگىن وسكەمەندە ايازعا بايلانىستى ءبىرىنشى اۋىسىمداعى 1-9-سىنىپ وقۋشىلارى مەكتەپكە بارماعان. ال ەكىنشى اۋىسىمداعى وقۋشىلار ءداستۇرلى فورماتتا ءبىلىم الدى.