ءوز ماقساتىنا جەتۋدى ادەتكە اينالدىرعان ادامدار بار. ولار ەشقانداي كەدەرگىگە قاراماستان، ويىنداعىسىن ىستەي الادى. الايدا باستاعان ءىسىن سوڭىنا جەتكىزبەيتىندەر دە بار.
قىتايلىق ماماندار ماقساتىڭىزعا قالاي جەتەتىن ادام ەكەنىڭىزدى انىقتاۋعا كومەكتەسەتىن ەرەكشەلىكتى اتادى. بۇل تاقىرىپقا قاتىستى زەرتتەۋ جۇمىسى حالىقارالىق ەكولوگيالىق زەرتتەۋلەر جانە دەنساۋلىق ساقتاۋ جۋرنالىندا جاريالاندى. زەرتتەۋ جۇمىسىنا 3687 قىتايلىق ستۋدەنت قاتىسقان.
ولاردىڭ ءارقايسى جازۋشى ءارى پسيحولوگ فيليپپ زيمباردو ويلاپ تاپقان ساۋالنامانى تولتىرعان. ودان بولەك، زەرتتەۋگە قاتىسۋشىلار تەلەفوندى پايدالانۋعا، ۇيىقتاماس بۇرىن ءىسىن كەيىنگە قالدىرۋعا جانە ءوزىن-ءوزى باقىلاۋعا بەيىمدىلىك دەڭگەيىن باعالاۋ كەرەك بولدى.
ناتيجەسىندە، بولاشاعىن ويلايتىن ادامدار ءوزىن باقىلاي الاتىنى انىقتالعان. ودان بولەك، ولار ۇيىقتار الدىندا قانداي دا ءبىر جۇمىسىن كەيىنگە قالدىرۋ ىقتيمالدىعى از بولىپ شىققان.
اۆتورلاردىڭ سوزىنشە، بولاشاعىن ويلايتىن ادامدار ۇيقىنىڭ دەنساۋلىققا اسەرىن جاقسى تۇسىنەدى.