پاريجدە قاسىم-جومارت توقايەۆتى سالتاناتتى قارسى الۋ ءراسىمى ءوتتى
17:14, 29 - قاراشا 2022
پاريج. قازاقپارات - فرانسياعا رەسمي ساپارمەن كەلگەن پرەزيدەنت قاسىم-جومارت توقايەۆتى پاريجدە سالتاناتتى قارسى الۋ ءراسىمى ءوتتى.
قازاقپارات بۇل تۋرالى اقورداعا سىلتەمە جاساپ حابارلايدى.
ءراسىم الدىندا مەملەكەت باسشىسى فرانسيا رەسپۋبليكاسىنىڭ تۋىنا ءىلتيپات كورسەتتى. اسكەري وركەستر ەكى ەلدىڭ مەملەكەتتىك ءانۇراندارىن ورىندادى.
سودان كەيىن پرەزيدەنت سىرتقى ساۋدا، ەكونوميكالىق تارتىمدىلىق جانە شەتەلدەگى فرانسۋز ازاماتتارىنىڭ ءىسى جونىندەگى مينيستر-دەلەگات وليۆە بەشتپەن بىرگە ساپ تۇزەپ تۇرعان قۇرمەت قاراۋىلى روتاسىنىڭ الدىنان ءجۇرىپ ءوتتى.