سەبەبى، شەنەۋنىكتەر دايىن دۇنيەنى ەكى جىلدان بەرى ءالى قوسپاعان، دەپ حابارلايدى قازاقپارات ءتىلشىسى.
سارىوزەك اۋىلىنداعى كوشەلەردىڭ بويىنا گاز قۇبىرلارى تولىقتاي تارتىلعان. جالپى وسى اۋىلدى كوگىلدىر وتىنمەن قامتۋ ءۇشىن جۇرگىزىلگەن قۇبىردىڭ جالپى ۇزىندىعى - 122 شاقىرىم. ءبىراق، اۋىلعا كەلىپ تۇرعان گازدىڭ راحاتىن سارىوزەكتىكتەر 2 جىلدان بەرى كورە الماي وتىر.
«سارىوزەك كەنتىندە 2019 -جىلى گاز قۇبىرى قۇرىلىسى جۇرگىزىلگەن. 2020 -جىلى قوسامىز دەگەن. ەندى حالىق سۇراپ جاتىر. گازدى قاشان قوسادى؟»، - دەدى سارىوزەك اۋىلىنىڭ تۇرعىنى قايرات باتتاليەۆ.
سارىوزەك اۋىلىنا گاز قۇبىرىن تارتۋ ءۇشىن 1,8 ميلليارد تەڭگە قارجى جۇمسالعان. ودان بولەك، بارلىق كەربۇلاق اۋدانىنا گاز تاراتاتىن ستانسيانى سالۋ ءۇشىن قاجەتتى سوما جۇمسالعان. بۇل ستانسيانىڭ قۇرىلىسى، ءتىپتى 2019 -جىلى بىتكەن. ءبىراق كەربۇلاق اۋدانىندا گازعا قوسىلعان بىردە- ءبىر ەلدى-مەكەن جوق. ءتىپتى، دايىن تۇرعان ستانسيا ىسكە دە قوسىلماعان.
«زەرتتەدىك، مەردىگەر كومپانيا ۋاقىتىندا جۇمىس ىستەگەن، مەردىگەر تاراپىنان ءبارى دۇرىس. مەردىگەر كومپانيامەن جۇمىس ىستەگەن ءبىزدىڭ الدىمىزداعى باسشىلىق جۇمىستىڭ ءبارىن قابىلداپ العان»، - دەدى جەتىسۋ وبلىستىق ەنەرگەتيكا جانە تۇكش باسقارماسىنىڭ باسشىسى ەرنات ءبازىل.
قازىر جەتىسۋ وبلىسىنداعى سىبايلاس جەمقورلىققا قارسى ءىس-قيمىل دەپارتامەنتىنىڭ باسشىلىعى ميللياردتاعان قارجىعا جاسالىپ، ءبىراق حالىق يگىلىگىن كورمەي وتىرعان نىسانداردىڭ بارلىعىنا تەكسەرۋ جۇرگىزىپ جاتىر.
«2020 -جىلى سارىوزەك اۋىلىنىڭ ىشىنە تارتىلعان گاز جۇيەسىنىڭ قۇرىلىسى بىتكەن. الايدا، سول جىلدان باستاپ، ءالى كۇنگە دەيىن حالىققا گاز بەرىلمەدى. بۇل بويىنشا دا بىزبەن تالداۋ جۇرگىزىلىپ، وبلىس اكىمشىلىگىمەن بىرىگىپ، مەردىگەر كومپانيامەن سويلەسىپ، اقاۋلار، ورىن العان كەمشىلىكتەر ءبارى جويىلۋ ۇستىندە. ەندى اتقارۋشى ورگاننىڭ ايتۋىنشا، جەلتوقسان ايىنىڭ سوڭىنا دەيىن حالىققا گاز بەرىلەدى»، - دەدى سىبايلاس جەمقورلىققا قارسى ءىس-قيمىل اگەنتتىگى جەتىسۋ وبلىسى بويىنشا دەپارتامەنتىنىڭ باسشىسى ماقسات جەبەگەنوۆ.
جالپى جەتىسۋ وبلىسىندا 192 ەلدى-مەكەننىڭ تەك 10 پايىزى گازبەن قامتىلعان. ال ونىڭ قانشاسىندا مەملەكەتتىڭ قاراجاتى جۇمسالىپ، حالىق يگىلىن كورمەي وتىرعانىن انتيكور تەكسەرىپ جاتىر.