وسكەمەندە مەكتەپ وقۋشىلارى تاعى دا ونلاين فورماتتا وقيدى

وسكەمەن. قازاقپارات - وسكەمەن قالاسىندا مەكتەپ وقۋشىلارى ايازعا بايلانىستى ەكىنشى كۇن قاتارىنان ونلاين فورماتتا وقيدى، دەپ حابارلايدى قازاقپارات ءتىلشىسى.

ش ق و توتەنشە جاعدايلار دەپارتامەنتى باسپا ءسوز قىزمەتىنىڭ مالىمەتىنە سۇيەنسەك، ءوڭىر اۋماعىندا ايازدىڭ بەتى قايتپاي تۇر. 29-قاراشادا تۇندە وبلىستىڭ سولتۇستىك- شىعىسىندا اۋا تەمپەراتۋراسى 43 گرادۋسقا دەيىن تومەندەيدى.

«ونىڭ ىشىندە وسكەمەندە دە قاتتى اياز. سوعان وراي قالا مەكتەپتەرىندەگى ءبىرىنشى اۋىسىمداعى 0-11-سىنىپ وقۋشىلارى ءۇشىن ساباق قاشىقتان وتەدى»، - دەلىنگەن اقپاراتتا.

وزگە اۋدانداردا وقۋشىلاردىڭ قالاي وقيتىنى تۋرالى اقپارات ءالى جاريا ەتىلمەدى.

ەسكە سالساق، وسىعان دەيىن اباي وبلىسىندا وقۋشىلار مەن كوللەدجدەردىڭ ستۋدەنتتەرى قاشىقتان وقيتىندىعى حابارلانعان.