شەيحا موزا بينت ناسەر ءال- ميسنەد
كاتاردىڭ بۇرىنعى ءامىرى حاماد بين حاليفا ءال-تانيدىڭ ايەلى جانە قازىرگى ءامىرشى شەيح موزانىڭ اناسى تەك قايىرىمدىلىقپەن اينالىسىپ قانا قويماي، ساياسي ءومىردىڭ بەلسەندى قاتىسۋشىسى بولىپ كەلەدى. شەيحا - يۋنەسكو-نىڭ ارنايى ۋاكىلى. ول مەملكەتتىك جانە حالىقارالىق قىزمەتتەرگە جانە بريتان يمپەرياسى وردەنىنىڭ كوماندور اتاعىنا يە.
ءبىراق ول، اسىرەسە، ءسان الەمەنىدە تانىمال. جەتى بالانىڭ اناسى بولسا دا، ءمىنسىز دەنە سىمباتتىلىعىمەن جانە ستيلىمەن ەرەكشەلەنەدى. ءوز ەلىنىڭ داستۇرلەرىن قۇرمەتتەپ، شەيحا جابىق ءارى ۇستامدى كيىنەدى.
رانيا ءال-ابدۋللا
يوردانيا كورولى ابدۋللا يبن ءال-حۋسەيننىڭ ايەلى جانە تاق مۇراگەرى حۋسسەين حانزادانىڭ اناسى - رانيا الەمدەگى ەڭ تانىمال شىعىس پاتشايىمى بولىپ سانالادى. ول تاياۋ شىعىس ايەلدەرىنىڭ قۇقىعى ءۇشىن بەلسەندى كۇرەسەدى. پاتشايىم ءداستۇرلى كيىم ستيلىن بىرتىندەپ وزگەرتۋدى ۇسىنادى. رانيا ءوزى دجينس شالبارلارى مەن جەيدەلەر كيگەندى جاقسى كورەدى. ول حالىق الدىنا ورامالسىز ءجيى شىعادى.
ءاميرا ءال-تاۆيل
ءاميرا ءال-تاۆيلدى ساۋد ارابيادا ءداستۇرلى قوعام نەگىزدەرىن بۇزۋشى اتايدى. ول حانزاداعى كۇيەۋگە شىققانعا دەيىن ا ق ش-تاعى نيۋ-حەيۆەن ۋنيۆەرسيتەتىن اياقتادى، ىسكەرلىك باسقارۋ بويىنشا دارەجەسى بار، حالىقارالىق كولىك ايداۋ قۇقىعىن الدى، كولىگىن ءوزى ايدايدى (بۇل ساۋد ارابياسى ايەلدەرىنە ءتان ەمەس). اميرا بىرنەشە جىلدان كەيىن كۇيەۋمىەن اجىراستى. اميرانىڭ ايتۋىنشا، كۇيەۋى دۇنيەگە جىلدام بالا اكەلۋىن وتىنگەن، ال ول ءوزىن انا رولىندە كورمەگەن. ءقازىر حانشايىم ساۋد ارابياسىندا جانە بۇكىل الەم بويىنشا گۋمانيتارلىق پروبلەمالاردى شەشۋمەن اينالىسادى.
massaget.kz