بيىل بوكستان قازاقستان چەمپيوناتى قاي قالادا وتەدى

استانا. قازاقپارات – 2-9- جەلتوقسان ارالىعىندا پاۆلوداردا بوكستان قازاقستان چەمپيوناتى وتەدى. وعان ەلىمىزدىڭ ۇزدىك بوكسشىلارى قاتىسىپ، كىل مىقتىدا كىم مىقتىنى انىقتايتىن بولادى.

تۋرنير قورىتىندىسى بويىنشا جاتتىقتىرۋشىلار شتابى قازاقستان كومانداسىنىڭ قۇرامىنا تۇزەتۋلەر ەنگىزەدى. سونداي-اق جاقىن اراداعى قۇراما رەزەرۆى قۇرىلادى.

ايتا كەتەيىك، قازاق بوكسشىلارى قاراشا ايىندا يوردانيا ەلىنىڭ استاناسى امماندا وتكەن 32- ازيا چەمپيوناتىندا ءساتتى ونەر كورسەتتى.

27 ەلدىڭ (181 ەر مەن 86 ايەل) شارشى الاڭ شەبەرلەرى سىنعا تۇسكەن دودادا قازاقستان ەرلەر مەن ايەلدەر قۇراماسىنىڭ ناتيجەسىن قوسا ەسەپتەگەندە، جالپى ەسەپتە 1-ورىن الدى.