بۇل تۋرالى بەيسەنبى كۇنى ەلدىڭ تۋريزم جانە كونە جادىگەرلەر مينيسترلىگى مالىمدەدى، دەپ حابارلايدى قازاقپارات سينحۋا اگەنتتىگىنە سىلتەمە جاساپ.
مالىمدەمەدە ايتىلعانداي، ءارتۇرلى داۋىرلەرگە، سونىڭ ىشىندە كەيىنگى اۋلەتتىك جانە ەلليندىك كەزەڭدەرگە جاتاتىن قابىرلەردە اۋزىنا التىن ءتىل سالىنعان بىرنەشە مۋميا تابىلدى.
مۋميالاردىڭ جاقسى ساقتالماعانى اتاپ ءوتىلدى. بۇل قابىرلەردىڭ تونالعانىن بىلدىرەدى.
سونداي- اق، التىن پاراقتارعا ورالعان بىرنەشە قاڭقالار، ادام پىشىندەس بىرنەشە اعاش ساركوفاگتار، كەراميكا جانە مۋميالاۋ ماتەريالدارى تابىلدى.
«عالىمداردىڭ پايىمداۋىنشا، تىلدەر ولگەن ادامنىڭ اقىرەتتە سويلەي الۋىن قامتاماسىز ەتۋ ءۇشىن التىننان جاسالعان»، - دەدى ارحەولوگ باحاا ان- ناگار.
ونىڭ ايتۋىنشا، ەرتەدە بيلەۋشىلەر بەتپەردەلەرىن، ساۋساقتارى مەن تىلدەرىن التىنمەن بەزەندىرگەن، ويتكەنى بۇل ءارقاشان جارقىراپ تۇراتىن مەتال.
فوتو: news.cn
اۆتور
سماعۇلوۆا ەركەجان