جاس ءانشى ەريەۆان تورىندە «قازاقپىن» جانە «Wrecking ball» اندەرىن شىرقاپ، ەڭ جوعارى ۇپاي جيناعان. بۇل جەڭىسى ارقىلى ول يتاليادا وتەتىن «Viva Italia» بايقاۋىنا جولداما الىپ وتىر. ايتا كەتسەك، «Golden Voice» اتتى بايقاۋعا ا ق ش، رەسەي، ارمەنيا، ەستونيا، ليتۆا سياقتى بىرنەشە ەلدىڭ 100-دەن استام ۇمىتكەرى قاتىسقان.
«بوزتورعاي» جانە «شاتتىق» حالىقارالىق بايقاۋلارىنىڭ ديرەكتورى، حالىقارالىق بايقاۋلار مەن فەستيۆالدەر قاۋىمداستىعىنىڭ مۇشەسى، «سلاۆيانسكي بازار ۆ ۆيتەبسكە» حالىقارالىق ونەر فەستيۆالىندەگى قازاقستاننىڭ رەسمي وكىلى قارلىعاش ابدىكارىموۆا حابارلاسىپ، رامينا قازاقستاننىڭ اتىنان شىعادى دەپ ايتتى. قاتتى قۋاندىق، بىردەن «بارامىز!» دەدىك. ديماش قۇدايبەرگەن، رۋحيا بايدۇكەنوۆا سياقتى قازاق ونەرىنىڭ ماقتانىشتارىن العاشقى ءىرى بايقاۋلارعا الىپ شىققان بىلىكتى ماماننىڭ نازارى ءبىزدىڭ قىزىمىزعا اۋعانىنا قاتتى قۋانىشتىمىز. ونىڭ راميناعا قويعان «باربي» دەگەن لاقاپ اتى قازىر كەڭىنەن تارالىپ كەتتى. ءبارى قىزىمىزدى «قازاق باربيى» دەپ تانيدى» ، - دەدى ءانشىنىڭ اناسى راۋان ءمىرجۇسىپوۆا.
رامينا 4 جاسىنان بەرى انشىلىكپەن اۋەستەنىپ ءجۇر. قازىردىڭ وزىندە 50 گە جۋىق حالىقارالىق جانە رەسپۋبليكالىق ونەر بايقاۋىندا جەڭىسكە جەتىپ، «ۇلى دالا دارىنى» توسبەلگىسىن يەلەنگەن. اننەن بولەك بي، ۆوكال، گيمناستيكا، ءجۇزۋ، سكۆوشپەن اينالىسادى. دومبىرا، بارابان، فورتەپيانو اسپاپتارىن مەڭگەرگەن.